Kalyan Dombivli : कल्याण डोंबिवलीतही पुण्यासारखीच कारवाई होणार, हजारो लोक होणार बेघर, प्रकरण काय?

हे ही वाचा >> Thane Crime News : गुंड कार घेऊन सोसायटीत घुसले, 8 जणांना उडवलं... ठाण्यात घडलेला प्रकार नेमका काय?

कल्याण डोंबिवली महानगरपालिका क्षेत्रात गेल्या काही वर्षांपासून बरीच बेकायदेशीर बांधकामं झाली आहेत. आर्किटेक्ट संदीप पाटील यांनी बेकायदेशीर बांधकामांविरुद्ध न्यायालयात याचिका दाखल केली होती. त्यानंतर न्यायालयाने 65 बेकायदेशीर बांधकामांवर कारवाई करण्याचे आदेश दिले. यानंतर डोंबिवलीतील साई गॅलेक्सी इमारतीजवळील बांधकाम करण्याचे कायम ठेवण्याची मागणी करणारी याचिका रहिवाशांनी न्यायालयात दाखल केली होती. मात्र, उच्च न्यायालयाने ही याचिका फेटाळल्यानंतर लोकांच्या पदरी निराशाच पडली.

हे ही वाचा >> Crime : ड्रग्ज तस्करांवर कारवाई करण्यासाठी गेलेल्या पोलिसांच्या अंगावर महिलांनी फेकलं मिरची पूड टाकलेलं पाणी

मात्र, याप्रकरणी बिल्डर आणि कल्याण डोंबिवली महानगरपालिकेचे अधिकारी आणि नोंदणी अधिकाऱ्यांनी कोणतीही कारवाई केली नाही यावर लोकांनी संताप व्यक्त केला. रहिवासी म्हणतायत की, "आम्ही लाखो रुपयांचं कर्ज घेतलं आहे. आमचं घर खरेदी करण्यासाठी आम्ही राष्ट्रीयकृत बँकेकडून कर्ज घेतलं आहे. आम्ही प्रधानमंत्री आवास योजनेचा लाभ घेतला, आम्ही महानगरपालिकेला कर भरला आहे. पण आता इमारत अनधिकृत घोषित करून ती रिकामी करण्याचा प्रयत्न करत आहेत, पण आम्हाला फसवणारा  बिल्डर निसटून गेला आहे." अशा भावना लोक सध्या व्यक्त करत आहेत.