महाराष्ट्रात भाजपची AIMIM सोबत युती, कोणत्या जिल्ह्यातील रणनिती? बहुमतासाठी निर्णय

आता अकोट नगरपालिकेत भाजपने आपल्या नेतृत्वात 'अकोट विकास मंच' स्थापन केलाय. या 'अकोट विकास मंचा'त भाजपनंतर सर्वाधिक 5 जागा जिंकणारा एमआयएम भाजपचा मित्रपक्ष झालाय. याशिवाय या आघाडीत ठाकरेंची शिवसेना, शिंदेंची शिवसेना, अजित पवारांची राष्ट्रवादी, शरद पवारांची राष्ट्रवादी आणि बच्चू कडूंचा प्रहार जनशक्ती पक्ष सहभागी झालाय. कालच या नव्या आघाडीची नोंदणी अकोला जिल्हाधिकाऱ्यांकडे करण्यात आलीये. भाजपचे नगरसेवक रवी ठाकूर या नव्या आघाडीचे गटनेते असणार आहेत. या आघाडीतील सर्वच पक्षाच्या नगरसेवकांना आता भाजपचा 'व्हिप' पाळावा लागणारेय. 13 जानेवारीला होत असलेल्या उपनगराध्यक्ष आणि स्विकृत सदस्यांच्या निवडीत ही आघाडी एकत्रितपणे मतदान करणार आहेत.

या आघाडीचे आता सध्याच्या 33 सदस्य संख्येत 25 सदस्य एकत्र झालेत. तर नगराध्यक्षा माया धुळे या 26 व्या सदस्य आहेत. अकोट नगरपालिकेत काँग्रेसचे 6 आणि वंचितचे 2 सदस्य विरोधी पक्षात असणार आहेत. अकोट नगरपालिकेत नगराध्यक्षपदाच्या निवडणुकीत एमआयएमच्या उमेदवार फिरोजाबी सिकंदर राणा यांना भाजपच्या माया घुळे यांनी 5271 मतांनी पराभूत केले होते. अकोट नगरपालिकेत भाजपनंतर एमआयएमचे सर्वाधिक 5 नगरसेवक विजयी झाले आहेत. विधानसभेत 'बटेंगे तो कटेंगे'चा नारा नारा देणाऱ्या भाजपने अकोटमध्ये थेट 'एमआयएम'शी आघाडी केल्याने ते विरोधकाच्या टिकेला कसे उत्तर देणार? हे पाहणे औत्सुक्याचे ठरणार आहे.

अकोट नगरपालिकेतील पक्षीय बलाबल :

एकूण जागा : 35

निकाल जाहीर : 33 (2 जागांची निवडणूक नंतर होणार)

पक्षीय बलाबल :

भाजप : 11

काँग्रेस : 06

शिंदेसेना : 01

उबाठा : 02

वंचित : 02

अजित पवार राष्ट्रवादी : 02

शरद पवार राष्ट्रवादी : 01

प्रहार : 03

एमआयएम : 05

भाजपच्या नेतृत्वात बनलेल्या 'अकोट विकास मंचा'चे पक्षीय बलाबल :

भाजप : 11

एमआयएम : 05

शिंदेसेना : 01

उबाठा : 02

अजित पवार राष्ट्रवादी : 02

शरद पवार राष्ट्रवादी : 01

प्रहार : 03

एकूण : 25

इतर महत्त्वाच्या बातम्या 

भ्रष्टाचाराच्या गोष्टी देवेंद्र फडणवीसांनी करुच नयेत, राज थेट बोलले; ठाकरे बंधूंच्या संयक्त महामुलाखतीचा टीझर