'घृणास्पद विश्वासघात.. BJP ने आमचा केसाने गळा..', रामदास कदमांचा उघडउघड हल्ला

Ramdas Kadam: मुंबई: लोकसभा निवडणुकीच्या पार्श्वभूमीवर महाराष्ट्रात जागा वाटपांबाबत सगळ्याच पक्षांमध्ये चर्चा सुरू आहेत. त्यातही सत्तेत असणाऱ्या महायुतीमध्ये जागा वाटपावरून मोठी धुसफूस सुरू आहे. जी आता उघडपणे समोरही आली आहे. भाजप शिवसेनेला (शिंदे गट) 10 ते 12 पेक्षा अधिक जागा देण्यास तयार नसल्याचं समजतं आहे. त्यानंतर शिवसेना नेते रामदास कदम यांनी भाजपने आमचा केसाने गळा कापू नये असं म्हणत.. थेट इशाराच दिला आहे. (bjp should not betray us ramdas kadam furious over seat allocation issue makes serious accusations and criticism against bjp)

एवढंच नव्हे तर रामदास असंही म्हणाले की, 'महाराष्ट्रातील भाजपचं राजकारण हे घृणास्पद सुरू आहे. पुन्हा-पुन्हा जर आमचा विश्वासघात झाला तर माझंही नाव रामदास कदम आहे...' असं म्हणत त्यांनी काही गंभीर आरोप देखील यावेळी केले. 

'भाजपचं राजकारण घृणास्पद, आमचा केसाने गळा कापू नका...'

'एक गोष्ट मी सांगेन की, उद्याच्या लोकसभेला मोठ्या फरकाने मोदी साहेब पुन्हा पंतप्रधान होतील याबाबत सबंध देशात कोणाच्याही मनात कुठलीही शंका नाही. पण माझी एकच खंत आहे.. महाराष्ट्रात आम्ही शिवसेना असू दे, राष्ट्रवादी असू दे.. मोदीजी आणि शाहा यांच्या कामावर विश्वास ठेवून आलो आहोत.' 

'आमचा विश्वासघात होणार नाही.. याबाबत त्यांनी दक्षता घेणं आवश्यक आहे. खरं पाहिलं तर ज्या सीटिंग जागा आहेत तिथे देखील भाजपची काही मंडळी प्रयत्न करत आहेत. आम्ही उमेदवार आहोत, तालुक्यांमध्ये जात आहेत. मतदारसंघांमध्ये जात आहेत.. जिथे शिवसेना आणि राष्ट्रवादीचे सीटिंग खासदार आहेत तिथेही हा जबरदस्तीचा प्रयत्न चालला आहे.'