Ajit Pawar यांच्या विमान अपघाताचं CCTV फुटेज आलं समोर, शेवटच्या क्षणी नेमकं काय घडलं?

अपघाताची पार्श्वभूमी आणि तपशील

अजित पवार हे मुंबईहून बारामतीला चार जाहीर सभांसाठी निघाले होते. विमान हे व्हीएसआर एव्हिएशन कंपनीचे बॉम्बार्डियर लियरजेट 45 (रजिस्ट्रेशन नंबर VT-SSK) होते.

हे ही वाचा>> Ajit Pawar Death : 'त्या' एका वस्तूमुळे अजितदादांची बॉडी ओळखता आली, न पाहावणारी दृश्य

हे विमान बारामती विमानतळावर उतरण्याच्या दुसऱ्या प्रयत्नात ते रनवेपासून दूर भरकटले आणि आपलं नियंत्रण गमावून बसले. ज्यामुळे धावपट्टीवर उतरण्याऐवजी विमान हे थेट शेतात खाली कोसळलं. विमान कोसळताच त्याला प्रचंड मोठी आग लागली.

हा अपघात सकाळी अंदाजे 8:45 वाजता घडला असून, अपघाताचे कारण अद्याप स्पष्ट झालेले नाही. तांत्रिक दोष, खराब हवामान किंवा पायलटची चूक या सगळ्या शक्यता सध्या व्यक्त केली जात आहे. दरम्यान, या विमान अपघाताची चौकशी करण्यासाठी एयरक्राफ्ट अॅक्सिडेंट इन्व्हेस्टिगेशन ब्युरो (AIB) ची टीम बारामतीला रवाना झाली आहे. डायरेक्टोरेट जनरल ऑफ सिव्हिल एव्हिएशन (DGCA)नेही अपघाताची पुष्टी केली आहे.

अजित पवारांच्या विमान अपघाताचं सीसीटीव्ही फुटेज समोर

अपघाताचे एक सीसीटीव्ही फुटेज हे नुकतंच समोर आलं आहे, ज्यात अपघाताच्या वेळी बारामतीजवळील रस्त्यावरून दिसणारा धूर आणि अपघाताचे दृश्य दिसत आहे. अपघाताच्या काही सेकंदानंतर आगीचे लोळ आणि धुराचे ढग दिसत आहेत. फुटेजमध्ये अपघाताची वेळ 2026-01-28 सकाळी 08:45:48 अशी दाखवली आहे, ज्यात सुरुवातीला रस्ता शांत दिसतो आणि नंतर दूरवर धूर उठताना दिसतो. हे फुटेज अपघाताच्या जागेजवळील पेट्रोल पंप किंवा रस्त्यावरील कॅमेऱ्यातून असल्याचे दिसते.

हे ही वाचा>> Ajit Pawar Death: अजितदादांचं विमान क्रॅश होताच बनलं फायर बॉल, Crash Site चे अत्यंत भयंकर Photos

प्रतिक्रिया आणि शोक

या दुर्दैवी घटनेनंतर महाराष्ट्र सरकारने तीन दिवसांचा राजकीय शोक जाहीर केला आहे. मुख्यमंत्री देवेंद्र फडणवीस यांनी शोक व्यक्त केला असून, राज्यात तीन दिवसांचा दुखवटा जाहीर केला आहे.

अजित पवार हे महाराष्ट्राच्या सहकार क्षेत्रातील प्रमुख नेते होते आणि त्यांचे योगदान अविस्मरणीय आहे, असे अनेकांनी म्हटले आहे. या घटनेने महाराष्ट्राच्या राजकारणात मोठी पोकळी निर्माण झाली आहे. दरम्यान, या विमान अपघाताची सखोल चौकशी होण्याची मागणी होत असून, येत्या काळात अधिक तपशील समोर येतील.