Ajit Pawar Death: अजितदादांचं विमान क्रॅश होताच बनलं फायर बॉल, Crash Site चे अत्यंत भयंकर Photos
महाराष्ट्राचे उपमुख्यमंत्री अजित पवार यांचे विमान बारामतीजवळ कोसळले. विमान कोसळताच त्याचा भीषण स्फोट झाला आणि त्याला आग लागली, ज्यामध्ये 6 जणांचा मृत्यू झाला. अपघातानंतर पोलीस आणि प्रशासनाचे मदत आणि बचाव पथक घटनास्थळी पोहोचले.
ADVERTISEMENT
बारामती: महाराष्ट्राचे उपमुख्यमंत्री अजित पवार यांचं विमान अपघातात दुर्दैवी निधन झालं. बुधवारी (28 जानेवारी) मुंबईहून बारामतीला जात असताना त्यांच्या विमानाच क्रॅश लँडिंग झालं. धावपट्टी सोडून विमान हे एका नजीकच्या शेतात कोसळले आणि पूर्णपणे जळून खाक झाले, ज्यामध्ये अजित पवारांसह विमानातील सहाही जणांचा मृत्यू झाला.
विमान कोसळताच लागली आग
राष्ट्रवादी काँग्रेसचे नेते अजित पवार मुंबईहून बारामतीला प्रवास करत होते. ते या परिसरातील चार निवडणूक प्रचार कार्यक्रमांना उपस्थित राहणार होते. ज्या भागात अपघात झाला तो बारामतीजवळ आहे. विमान शेतात कोसळले. जमिनीवर आदळताच विमानाला आग लागली. धूर, आग पाहून तात्काळ घटनास्थळी धाव घेतली.
पाच स्फोटांसह विमान जळून खाक
अजित पवारांचे विमान लँडिंग स्ट्रिप सोडून जवळच्या भागात कोसळले. विमान उतरवण्याचा प्रयत्न करत असताना त्याचे नियंत्रण सुटले. प्रत्यक्षदर्शींनी दिलेल्या माहितीनुसार, विमान उतरवण्याचा प्रयत्न करत असतानाच ते धावपट्टीऐवजी जवळच्या शेतात कोसळले. अपघातानंतर, अंदाजे पाच स्फोट झाले, ज्यामुळे विमान आगीच्या ज्वाळांनी वेढले गेले. विमान पूर्णपणे उद्ध्वस्त झाले आणि सर्वजण मृत्युमुखी पडले.
अपघातस्थळी गर्दी
विमानात एकूण 6 जण होते, त्यापैकी सर्वांचा मृत्यू झाला. अजित पवार बुधवारी बारामती येथे येणार होते, जिथे ते चार जाहीर सभांना संबोधित करणार होते. पण त्याआधीच त्यांच्या विमानाचा भीषण अपघात झाला. विमान अपघातानंतर आजूबाजूच्या परिसरातील लोकांनी अपघातस्थळी धाव घेतली. विमान धावपट्टीपासून सुमारे 3 किलोमीटर अंतरावर हा अपघात झाला असल्याचे समजते आहे.
हे वाचलं का?
