बीड: 'मराठा समाजाला बोकांडी बसवून घ्यायचं?', छगन भुजबळ थेट असं का म्हणाले?

दरम्यान, बीडमधील या महाएल्गार सभेला धनंजय मुंडे, गोपीचंद पडळकर, लक्ष्मण हाके यांच्यासह राज्यातील प्रमुख नेते उपस्थित होते.

छगन भुजबळांची घणाघाती टीका, पाहा नेमकं काय म्हणाले!

भाजपच्या नेत्यांसुद्धा सांगतोय तुमच्या लोकांना आवरा.. तुम्ही आता केलं ना.. आम्ही कोर्टात लढू. तुम्ही आता उलटेसुलटे आदेश दिले ना.. आम्ही रस्त्यावर लढू, निवडणुकीत लढू. नाही तरी आतापर्यंत तुमच्या पाट्या उचल्यातच नाही आम्ही. एक दिवस असा येईल की, आमचा हा गोरगरीब ओबीसी हा सुद्धा पालखीत बसेल आणि तुम्हाला सतरंज्या उचलायला लावल्याशिवाय राहणार नाही.

हे ही वाचा>> कुणबी दाखले दिलेल्यांची संख्या मोजा, वेगळा प्रवर्ग करा; गोपीचंद पडळकर काय काय म्हणाले?

हे तुम्ही केलंत.. हे ओढवून आणलं संकट.. मराठा समाजातील नेत्यांना जेव्हा मी सांगतो बोला याच्यावर तेव्हा सगळे मूग गिळून बसले आहेत. ज्याचा अभ्यास नाही, आरक्षण कशासाठी खातात हे माहीत नाही. तो सांगतो आणि तुम्ही टाळ्या वाजवता गप्प बसता.. फक्त राजकीय फायद्यासाठी. 

तुमचा राजकीय फायदा त्याच्यात असेल तर राजकीय नुकसान कसं करायचं हे सुद्धा आम्हाला माहितीए हे तुम्ही लक्षात ठेवा. 

आतापर्यंत आम्ही खूप सहन केलं.. आम्ही आतापर्यंत गप्प बसलो.. त्यांनी बोललं तर ते चालतं. मी 374 जातींसाठी बोललो.. तर आम्ही जातीवादी?

हे ही वाचा>> Maratha Reservation: सरकारने हैदराबाद गॅझेटिअरचा GR काढला, पण त्याचा खरा अर्थ काय?

अरे आम्ही सांगतो काय.. की तुम्ही तुमचं वेगळं आरक्षण घ्या. आमच्या आरक्षणाला धक्का लावू नका.  हे काय सागंणार तुमच्या आरक्षणाला कुठे धक्का लागला.