ही दृश्ये तुम्हाला विचलित करू शकतात...

हेही वाचा : अभिनेत्री प्रीती झिंटाच्या टी-शर्टवर IAS तुकाराम मुंढेंचं नाव, फोटो प्रचंड व्हायरल

एकीकडे गणेशोत्सवात डीजे नको, अशी भूमिका घेत जागृक नागरिक विद्यानंद बापट मैदानात उतरले आहेत. त्यांनी डीजेच्या विरोधात भूमिका घेतली आहे. दुसरीकडे मुख्यमंत्री देवेंद्र फडणवीस यांनी सण सांस्कृतिक पद्धतीने साजरे केले पाहिजेत, असे मत मांडले आहे. त्यामुळे सण-उत्सव कशा पद्धतीने साजरे केले जावेत, यावर चर्चा सुरू असतानाच नुकत्याच पार पडलेल्या दहिहंडी उत्सवातील काही कार्यक्रमांचे व्हिडीओ सोशल मीडियावर चर्चेचा विषय ठरले आहेत.

हेही वाचा : MPSCच्या अध्यक्षांच्या राजीनाम्याची मागणी, विद्यार्थ्यांनी लिहिलेले पोस्टर, VIDEO पाहाच

दहिहंडी उत्सवाच्या निमित्ताने अनेक राजकीय पक्षांच्या स्थानिक नेत्यांनी मनोरंजनाच्या कार्यक्रमांचे आयोजन केले होते. या कार्यक्रमांमध्ये नाच-गाण्यांचे आयोजन करण्यात आले होते. मात्र, काही ठिकाणी झालेल्या अश्लिल नृत्यांवर सोशल मीडियावरून टीका केली जात आहे. एकीकडे राजकीय नेत्यांकडून संस्कृतीचे पालन करण्याचे सल्ले दिले जात असताना दुसरीकडे सणांच्या कार्यक्रमांमध्ये अशा प्रकारच्या नृत्यांचे आयोजन होत असल्याचे व्हायरल व्हिडीओंमधून दिसून येत आहे. त्यामुळे सण आणि उत्सव कोणत्या पद्धतीने साजरे केले जात आहेत, याबाबत सोशल मीडियावर चर्चा रंगली आहे.

दरम्यान, मनसे अध्यक्ष राज ठाकरे यांनीदेखील त्यांच्या मेळाव्यात या विषयावर परखड भाष्य केले आहे. गणेशोत्सव आणि इतर सण सांस्कृतिक पद्धतीने साजरे करण्याच्या चर्चेच्या पार्श्वभूमीवर दहिहंडी उत्सवातील या कार्यक्रमांची सोशल मीडियावर जोरदार चर्चा होत आहे. व्हायरल झालेल्या दृश्यांमधून सण कशा पद्धतीने साजरे केले जात आहेत, यावर आता प्रश्न उपस्थित केले जात आहेत.