विस्मरण की राजकारण? एकनाथ खडसेंकडून राष्ट्रवादीच्या प्रचारात भाजपला मतदान करण्याचं आवाहन, कार्यकर्ते म्हणाले...

खडसेंचे वक्तव्य ऐकताच उपस्थित राष्ट्रवादीच्या कार्यकर्त्यांनी त्यांना तुतारी, म्हणजे राष्ट्रवादी शरद पवार गटाच्या निवडणूक चिन्हाची आठवण करून दिली. त्यानंतर खडसे यांनी तात्काळ चूक दुरुस्त करत, “तुतारीवर मतदान करा,” असे स्पष्ट आवाहन केले. अनेक वर्षे भाजपमध्ये काम केले असल्याने ‘कमळ’ हा शब्द तोंडातून निघाला, असे स्पष्टीकरणही त्यांनी दिले. मात्र, त्यांच्या या चुकेमुळे राजकीय चर्चांना उधाण आले आहे.

हेही वाचा : आम्हाला धमक्या देता, मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा VIDEO

खडसे यांनी यंदा मुक्ताईनगर नगरपालिका निवडणुकीत राष्ट्रवादी (शरद पवार गट) कडून कोणताही उमेदवार उभा करण्यात आलेला नाही . राष्ट्रवादीचा उमेदवार सक्षम नसल्याने हा निर्णय घेतल्याचे त्यांनी सांगितले होते. मात्र, या निर्णयामागे फायद्याचे समीकरण असल्याची चर्चा आधीच सुरू होती. त्यातच आता भाजपला मतदान करण्याचे त्यांचे उघड आवाहन समोर आल्याने संशयांना अधिक हवा मिळाल्याचे राजकीय विश्लेषकांचे मत आहे.

या संपूर्ण घडामोडींवर भाजप आमदार मंगेश चव्हाण यांनी खडसेंवर तीव्र टीका केली आहे. “खडसे हे बिनबुलाया मेहमान असून, जर ते आमचा प्रचार करत असतील तर आम्हाला काहीच हरकत नाही. कदाचित शरद पवारांनीच त्यांना भाजपचा प्रचार करायला सांगितले असावे,” अशा शब्दांत चव्हाण यांनी खोचक हल्ला चढवला. पुढे ते म्हणाले, “शरद पवारांनी त्यांना आमदारकी दिली, ते मुख्यमंत्रीपदाचे दावेदार होते. अशा परिस्थितीत त्यांनी अचानक पक्ष बदलला याचे खरे कारण त्यांनाच माहीत. पण आज ते आमच्या पक्षाचा प्रचार करताना दिसत आहेत, हे आमच्यासाठी फायद्याचंच आहे.”

इतर महत्त्वाच्या बातम्या 

19 मिनिटांचा प्रायव्हेट क्षण असणारा व्हिडीओ व्हायरल, सोशल मीडिया इन्फ्लुएन्सर केली आत्महत्या? सत्य काय?