Exclusive: रेवती Buildcon कंपनीसह पार्थ पवारांकडे 'एवढ्या' कंपन्यांचं संचालक पद!

पार्थ पवार हे महाराष्ट्राचे उपमुख्यमंत्री अजित पवार यांचे पुत्र आहेत. त्यांचा जन्म 1990 साली झाला असून, ते राजकारण आणि व्यवसाय दोन्ही क्षेत्रात सक्रिय आहेत. 2019 साली त्यांनी मावळ लोकसभा मतदारसंघातून निवडणूक लढवली होती, परंतु त्यावेळी त्यांना पराभवाचा सामना करावा लागला होता. याशिवाय त्यांचे अनेक व्यवसाय आहेत. ज्यामध्ये प्रामुख्याने रिअल इस्टेट, अॅग्रो आणि फायनान्स क्षेत्रात ते कार्यरत आहेत. ते सध्या 3 सक्रिय कंपन्यांमध्ये संचालक आहेत.

रेवती बिल्डकॉन प्रायव्हेट लिमिटेड (Revati Buildcon Private Limited)

कंपनीची माहिती: ही कंपनी 1981 मध्ये स्थापन झाली असून, मुख्यतः फायनान्स आणि इन्व्हेस्टमेंट क्षेत्रात कार्यरत आहे (CIN: U65993MH1981PTC025918). तिचे रजिस्टर्ड ऑफिस पुणे येथे आहे (अमर अविनाश कॉर्पोरेट सिटी, बंड गार्डन रोड). अधिकृत भांडवल ₹1 लाख आणि पेड-अप भांडवल ₹1 लाख आहे. कंपनी सक्रिय आहे आणि शेवटची वार्षिक सर्वसाधारण सभा (AGM) 2024 मध्ये झाली.  

पार्थ पवार यांचे पद: ते 27 सप्टेंबर 2016 पासून संचालक आहेत.  

इतर संचालक: सुनेत्रा अजित पवार (अजित पवार यांच्या पत्नी, 4 जुलै 2015 पासून संचालक पदी), प्रतिभा शरदचंद्र पवार (शरद पवार यांची पत्नी), आणि कृष्णा गोपाळन. 
 
ही कंपनी सिक्युरिटीजमध्ये गुंतवणूक आणि डीलिंग करते. 2022 पर्यंतच्या आर्थिक माहितीनुसार, महसूल 12.2% ने कमी झाला, पण नफा 89.92% ने वाढला.

हे ही वाचा>> पार्थ पवारांना मोठा धक्का! अजितदादांनी थेट कॅमेऱ्यासमोरच सांगून टाकली 'ती' गोष्ट

पार्थ पवार यांच्या इतर कंपन्या

MCA आणि इतर कॉर्पोरेट डेटाबेसनुसार (जसे Zauba Corp, Tofler, MyCorporateInfo), पार्थ पवार यांचे संचालकपद खालील कंपन्यांमध्ये आहे. 

एकूण संचालकपदे: Zauba Corp नुसार 13 कंपन्या, पण सध्याच्या सक्रिय फक्त 3-4 (रेवती बिल्डकॉन, एफपी रिअल्टी, सु-तारा अॅग्रो आणि अमेडिया). उर्वरित काही बंद झाल्या किंवा त्यांच्या पदाची मुदत संपली.

हे ही वाचा>> 'ही आहे जमीन चोरी', पार्थ पवारांचा जमीन व्यवहार अन् राहुल गांधींच्या ट्वीटने खळबळ

पुण्यातील जमीन घोटाळा प्रकरण

दरम्यान, पार्थ पवार संचालक असलेल्या अमेडिया एलएलपीवर पुणेतील 40 एकर सरकारी जमिनीची (मूल्य ₹ 1800 कोटी) ₹300 कोटींमध्ये खरेदी आणि स्टॅम्प ड्युटी माफीच्या आरोपांवर तपास सुरू आहे. पार्थ पवार हे या कंपनीत संचालक असले तरी FIR मध्ये त्यांचे नाव नाही. यावरून सध्या विरोधक अधिक आक्रमक झाले आहे. दुसरीकडे मुख्यमंत्री देवेंद्र फडणवीस यांनी या प्रकरणी चौकशीचा आदेश दिला आहे.