आंदोलन मागे घेण्याची घोषणा, पण आधी सरकारला काय मान्य करावं लागलं?

हेही वाचा : Inside Story: CM फडणवीसांना तडकाफडकी बोलावलं दिल्लीला, पण या मीटिंगची आतली कहाणी भलतीच!

'आंदोलनकर्त्यांविरोधात पुढील काळात कोणतीही कारवाई केली जाणार नाही'

पत्रकार परिषदेत बोलताना नड्डा म्हणाले की, आंदोलनाच्या काळात दिल्ली पोलिस किंवा भाजपशासित राज्यांमध्ये आंदोलनकर्त्यांविरोधात दाखल करण्यात आलेल्या एफआयआरची माहिती संबंधितांना दिली जाईल आणि त्या गुन्ह्यांबाबत कारवाई मागे घेण्याची प्रक्रिया राबवली जाईल. आंदोलनाच्या पार्श्वभूमीवर आयोजक किंवा आंदोलनकर्त्यांविरोधात पुढील काळात कोणतीही कारवाई केली जाणार नाही, अशी भूमिकाही सरकारने स्वीकारली आहे. आंदोलनाशी संबंधित कोणावरही पुढील कायदेशीर कारवाई होणार नसल्याचे सरकारने मान्य केल्याचे त्यांनी सांगितले.

हेही वाचा : धर्मेंद्र प्रधानांचा राजीनामा.. PM मोदींनी तात्काळ नेमले नवे शिक्षण मंत्री, कोणाच्या खांद्यावर दिली जबाबदारी?

'शक्य तितकी जास्तीत जास्त नुकसानभरपाई देणार'

नुकसानभरपाईच्या मागणीबाबतही सरकारने सहानुभूतीची भूमिका घेतल्याचे नड्डा यांनी स्पष्ट केले. एखाद्या मुलाचा जीव जाणे ही अत्यंत दुर्दैवी बाब असून सरकारलाही त्याबद्दल पूर्ण सहानुभूती असल्याचे त्यांनी सांगितले. पंतप्रधान नरेंद्र मोदी यांच्या नेतृत्वाखाली नियम आणि तरतुदींनुसार शक्य तितकी जास्तीत जास्त नुकसानभरपाई संबंधितांना देण्यात येईल, असे सरकारने स्पष्ट केल्याचे त्यांनी नमूद केले. तसेच आंदोलनकर्त्यांनी सादर केलेल्या परीक्षा आणि शिक्षण व्यवस्थेतील सुधारणांसंदर्भातील पाच सूत्री प्रस्तावावर सरकार गांभीर्याने विचार करेल. या विषयावर आंदोलनकर्त्यांच्या प्रतिनिधीमंडळाशी पुढील चर्चाही केली जाईल आणि आवश्यक त्या सुधारणा करण्यासाठी विचारविनिमय सुरू ठेवला जाईल, असे त्यांनी सांगितले.

सरकारने आंदोलनकर्त्यांच्या सर्व प्रमुख मागण्या सहानुभूतीपूर्वक स्वीकारल्याचा दावा करत नड्डा यांनी आंदोलन तात्काळ मागे घेण्याचे आवाहन केले. सरकार आणि आंदोलनकर्त्यांमध्ये झालेल्या सहमतीनुसार ठरलेल्या मुदतीत सर्व निर्णयांची अंमलबजावणी केली जाईल, असा विश्वासही त्यांनी व्यक्त केला. यानंतर आंदोलनकर्त्यांच्या प्रतिनिधींनीही सरकारने त्यांच्या मागण्या मान्य केल्याचे सांगत आंदोलन तात्काळ मागे घेत असल्याची घोषणा केली. त्यांनी सर्व आंदोलनकर्त्यांना शांततेने आंदोलन मागे घेऊन आपल्या घरी परतण्याचे आवाहन केले. पुढील रणनीती आणि सरकारसोबत होणाऱ्या चर्चेची माहिती वेळोवेळी दिली जाईल, असेही आंदोलनकर्त्यांच्या प्रतिनिधींनी स्पष्ट केले.