राजन पाटलांच्या मुलाने अजितदादांना एकेरी भाषेत ललकारलं, आता रोहित पवार म्हणाले..,'अंगात मस्ती..'

सत्तेच्या जीवावर अंगात मस्ती येते ती सत्ता येत जात असते - रोहित पवार

रोहित पवार म्हणाले, आदरणीय राजन पाटील साहेब,आपण जेष्ठ नेते आहात, आपला नेहमीच आदर आहे, परंतु काल आपल्या चिरंजीवांचा अजितदादांवर एकेरी भाषेत टीका करणारा व्हिडिओ बघून मात्र अत्यंत वाईट वाटले. आपण स्वतः एकत्रित राष्ट्रवादीत सत्तेत असताना सुद्धा कधी अशी भाषा विरोधकांविरोधात वापरली नाही. ज्या सत्तेच्या जीवावर अंगात मस्ती येते ती सत्ता येत जात असते हे आपल्या चिरंजीवांना कदाचित माहीत नसेल. मतचोरीच्या जीवावर भाजपचे उभे राहिलेले सत्तेचे इमले कधी कोसळतील सांगता येत नाही, त्यामुळे त्यांना म्हणावं थोडं दमाने घ्या. असो, भाजपच्या नादी लागल्यावर राजकीय संस्कृती आणि #महाराष्ट्र_धर्माचा विसर पडतोच! आपण त्यांना योग्य ती समज द्याल ही अपेक्षा..!

राष्ट्रवादीच्या उज्वला थिटे यांचा अर्ज बाद

ग्रामपंचायत नगरपंचायतीत उन्नती झाल्यानंतर ही पहिलीच निवडणूक होती. माजी आमदार राजन पाटील यांच्या सूनबाई प्राजक्ता अजिंक्यराणा पाटील या भाजपच्या उमेदवार म्हणून रिंगणात होत्या. पाटील गटाला यावेळीही निवडणूक बिनविरोध पार पडेल, अशी अपेक्षा होती. मात्र, राष्ट्रवादी काँग्रेसकडून उज्वला थिटे यांनी थेट अर्ज दाखल करून या परंपरेला खंडित केले. थिटे यांनी पोलिस बंदोबस्तात अर्ज दाखल केल्याची घटना राज्यभर चर्चेचा विषय ठरली. छाननीदरम्यान अपक्ष उमेदवार सरस्वती शिंदे यांनी घेतलेल्या आक्षेपांनंतर थिटे यांचा अर्ज बाद करण्यात आला. अर्ज बाद होताच पाटील समर्थकांनी जोरदार जल्लोष केला. त्या जल्लोषात विक्रांत उर्फ बाळराजे पाटील यांनाही कार्यकर्त्यांनी खांद्यावर उचलून उत्साह व्यक्त केला.

इतर महत्त्वाच्या बातम्या 

Inside स्टोरीः भाजपने नेते फोडले म्हणून शिंदेंचे मंत्री संतापले अन् CM कडे गेले.. फडणवीसांनी त्यांनाच झापलं! मंत्रालयात नेमकं...