ममता बॅनर्जींना सर्वात मोठा झटका, सयानी घोष देखील बंडखोरांच्या यादीत सामील

हेही वाचा : Astrology : 'या' तारखेपासून त्रिग्रही योगाची निर्मिती, सूर्य, बुध आणि चंद्राच्या प्रभावामुळे काही राशींचे भाग्य उजळणार

सयानी घोष यांची राजकीय कारकीर्द

सयानी घोष यांची राजकीय कारकीर्द नेहमीच चर्चेत राहिली आहे. 2021 च्या विधानसभा निवडणुकीपूर्वी टीएमसीमध्ये सामील झालेल्या सयानी यांनी आसनसोलमधून निवडणूक लढवली होती, मात्र त्यांना पराभवाचा सामना करावा लागला होता. तरीही, त्यांनी हार न मानता राजकारणात सक्रिय राहणे पसंत केले. त्याच वर्षी त्रिपुरातील स्थानिक निवडणुकीदरम्यान 'खेला होबे' अशी घोषणाबाजी केल्याप्रकरणी त्यांना अटकही झाली होती. 2023 मध्ये टीएमसीच्या युवा विंगच्या अध्यक्षपदाची धुरा सांभाळल्यानंतर, पश्चिम बंगालमधील कथित भरती घोटाळ्याप्रकरणी ईडीच्या चौकशीमुळे त्या पुन्हा एकदा प्रकाशझोतात आल्या होत्या.

हेही वाचा : आकांक्षाने प्रेमविवाह केला, कुटुंबियांनी एकत्र होऊन सूड उगवला!

खासदार बनल्या, प्रचारही केला पण ऐनवेळी साथ सोडली 

सयानी घोष या 1993 मध्ये कोलकाता येथे जन्मलेल्या असून त्या बंगाली चित्रपटसृष्टीतील एक लोकप्रिय चेहरा आहेत. आपल्या वादग्रस्त विधानांसाठी आणि आक्रमक स्वभावासाठी त्या ओळखल्या जातात. निवडणुकीच्या प्रचारादरम्यान गायलेल्या एका गाण्यावरून त्यांच्यावर मुस्लिम तुष्टीकरणाचे आरोप झाले होते, तर एका जनसभेदरम्यान त्यांनी दिलेल्या विधानावर भाजपने कडाडून टीका केली होती. 2024 च्या लोकसभा निवडणुकीत जादवपूर मतदारसंघातून विजयी झाल्यानंतर त्या संसदेत पोहोचल्या. 2026 च्या विधानसभा निवडणुकीत स्टार प्रचारक म्हणून सक्रिय असलेल्या सयानी घोष यांचा अचानक टीएमसीच्या विरोधात बंड करणे हे राजकीय समीकरणांना कलाटणी देणारे आहे.

या बंडात सयानी घोष यांच्यासोबत अरुप चक्रवर्ती, पार्थ भौमिक, शताब्दी रॉय, जगदीश वसुनिया, काकोली घोष दस्तीदार, प्रसून बनर्जी, कालीपदा सोरेन, शर्मिला सरकार, जून मालिया, वापी हलदर, असित मल आणि सुवेंदु शेखर रॉय यांसारख्या प्रमुख खासदारांचा समावेश आहे. एकूण 20 खासदारांनी स्वाक्षरी केलेले हे पत्र लोकसभा अध्यक्षांना सादर करण्यात आले आहे. या घडामोडींमुळे तृणमूल काँग्रेसमधील अंतर्गत गटबाजी अधिक तीव्र झाली असून, आगामी काळात पक्षाच्या नेतृत्वावर याचे गंभीर परिणाम होण्याची शक्यता वर्तवली जात आहे.