सोफियाच नाही, तर त्यांचे वडील आणि आजोबाही होते सैन्यात; म्हणाले, संधी मिळाली तर पाकिस्तानला...

हे ही वाचा >> पाकिस्तान पुन्हा हादरला! लाहोरला तीन मोठे स्फोट, सायरन वाजला, लोक पळत सुटले, घटना काय?

गुजरातमधील वडोदरामध्ये राहणारे सोफिया यांचे वडील हे सगळं पाहून खूप आनंदात आहेत. कर्नल सोफिया कुरेशी यांचे वडील ताज मोहम्मद कुरेशी यांनी एएनआय या वृत्तसंस्थेशी संवाद साधला. त्यांनी सांगितलं की, आम्हाला आमच्या मुलीचा अभिमान आहे. तिने देशासाठी काहीतरी केलं. ताज मोहम्मद यांनी सांगितलं की, मी सुद्धा बांगलादेशच्या मुक्तीसाठी झालेल्या युद्धात लढलो आहे. आता मनात फक्त एकच गोष्ट येते, की जर मला संधी मिळाली, तर मी त्यांना (पाकिस्तान) संपवून टाकेन. पाकिस्तान हा राहण्यासाठी योग्य देश नाही.

कुरैशी म्हणाले, "सैन्यात भरती होणं ही आमच्या कुटुंबाची परंपरा आहे. माझे म्हणजे सोफियाचे आजोबाही सैन्यात होते. त्यानंतर मी सुद्धा लष्करात होतो  आणि आता माझी मुलगी ही परंपरा पुढे चालवतेय. ताजुद्दीन कुरैशी पुढे म्हणाले, आम्ही फक्त देशाचा विचार करतो. आमचा विचार 'वयम् राष्ट्र जागरणम्' आहे. आम्ही आधी भारतीय आहोत, नंतर इतर काहीही."

हे ही वाचा >> "त्याचे दोन भाऊ सैन्यात, त्याच्या मुलालाही...", शहीद जवान दिनेश शर्मांचे वडील काय म्हणाले?

वडोदराच्या रहिवासी असलेल्या कर्नल सोफिया यांनी एकेकाळी प्राध्यापक होण्याचं स्वप्न पाहिलं होतं, पण देशभक्तीच्या भावनेनं त्यांना सैन्यात जाण्यास भाग पाडलं. त्यांचा भाऊ मोहम्मद कुरैशी यांनी सांगितलं की, सोफिया पीएचडी पूर्ण करणार होती. तेव्हाच तिने भारतीय सैन्यात भरती होण्याचा निर्णय घेतला.

कुटुंबात देशसेवेची परंपरा

आमचे आजोबा आणि वडील दोघेही भारतीय सैन्यात होते. ही परंपरा सोफियासाठीही प्रेरणादायी ठरली. तिने वडोदराच्या एमएस विद्यापीठातून बायोकेमिस्ट्रीमध्ये बीएससी आणि एमएससी केले आणि तेथे सहाय्यक लेक्चरर म्हणून शिकवण्यास सुरुवात केली. ती पीएचडीही करत होती. दरम्यान, जेव्हा तिची शॉर्ट सर्व्हिस कमिशन (ssc) द्वारे सैन्यात निवड झाली. तेव्हा तिने तिचे शिक्षण आणि करिअर सोडून देशसेवेचा मार्ग निवडला. सोफियाचे भाऊ संजय पुढे म्हणतात, की आता पुढची पिढी सुद्धा सैन्यात जाण्यासाठी तयार आहे. संजय म्हणाले, की माझी मुलगी झारा सुद्धा आता तिच्या सैन्यात सामील होण्याचं स्वप्न पाहतेय. 

हे ही वाचा >> पाकिस्तानी सैन्याची गाडी रिमोट बॉम्बने उडवली, 7 जणांच्या चिंधड्या उडाल्या... BLA ने केलेल्या हल्ल्याचा व्हिडीओ

कर्नल सोफियाने 1997 मध्ये पदव्युत्तर शिक्षण घेतलं आणि लष्कराच्या सिग्नल कॉर्प्समध्ये सामील झाल्या. 2016 मध्ये, त्यांनी 'फोर्स 18' नावाच्या बहुराष्ट्रीय लष्करी सरावात भारतीय लष्करी तुकडीचं नेतृत्व करून इतिहास रचला. हे असं करणारी ती पहिली महिला अधिकारी बनली. 2006 मध्ये, ती संयुक्त राष्ट्रांच्या शांती अभियानांतर्गत काँगोमध्ये देखील तैनात होती.