मुंबई महापालिकेत उद्धव ठाकरे मोठा धक्का, 5 दिवसांपूर्वी निवडून आलेल्या महिला नगरसेविकेचा शिंदे गटात प्रवेश करणार

सरिता म्हस्के यांना अपात्र करण्याची कार्यवाही शिवसेना युबीटीकडून सुरू

डॉ. सरिता म्हस्के या शिवसेना युबीटीच्या तिकिटावर निवडून आल्या होत्या. मात्र निवडणुकीनंतर अवघ्या काही दिवसांतच त्यांनी शिंदे गटाशी जवळीक वाढवली असून, त्या शिंदेसेनेच्या गळाला लागल्याची चर्चा राजकीय वर्तुळात सुरू आहे. दरम्यान, गट नोंदणीच्या प्रक्रियेसाठी शिवसेना युबीटीचे सर्व नगरसेवक नवी मुंबईकडे रवाना झाले होते. मात्र या प्रक्रियेतही डॉ. सरिता म्हस्के गैरहजर असल्याची माहिती आहे. त्यांच्या अनुपस्थितीमुळे त्या पक्ष सोडण्याच्या तयारीत असल्याचे जवळपास स्पष्ट झाले आहे.  या घडामोडीनंतर शिवसेना युबीटीच्या मुंबई महापालिकेतील नगरसेवकांची एकूण संख्या आता 64 वर आली आहे. ठाकरे बंधूंनी काही दिवसांपूर्वी मुंबई महापालिका निवडणूक लढवण्यासाठी जोर लावला होता. कठीण काळात ठाकरे बंधूंनी 71 नगरसेवक निवडून आणले. मात्र, निकालानंतर 5 दिवसांनी नगरसेवक सरिता म्हस्के यांनी साथ सोडली. दरम्यान, यानंतर सरिता म्हस्के यांना अपात्र करण्याची कार्यवाही शिवसेना युबीटीकडून सुरु झालीये. 

हेही वाचा : केडीएमसी महापालिकेत ट्वीस्ट! मनसेचा शिवसेनेला पाठिंबा, बंद दाराआड राजकीय खलबतं