'मुंबईत राहतो मराठी तर...', रोहित शर्माने सर्वांची मने जिंकली; पाहा व्हिडीओमध्ये नेमकं काय म्हणाला?

‘महाराष्ट्राची हास्यजत्रा’ या लोकप्रिय कार्यक्रमातील नम्रता संभेराव, प्रसाद खांडेकर, ओंकार राऊत आणि प्रथमेश शिवलकर या कलाकारांसह अभिनेत्री भक्ती देसाई व भाग्यश्री मिलिंद यांना आंतरराष्ट्रीय क्रिकेटपटू Rohit Sharma यांची भेट घेण्याची संधी मिळाली. ही विशेष भेट मुंबई क्रिकेट असोसिएशन चे उपाध्यक्ष अजय देसाई यांच्या पुढाकारातून आयोजित करण्यात आली होती.

हेही वाचा : मुस्लिमांना देण्यात आलेलं 5 टक्के आरक्षण रद्द, शासन निर्णयात नेमकं काय आहे? कधी देण्यात आलेलं आरक्षण?

या भेटीदरम्यान रोहित शर्माने सर्वांशी मनमोकळ्या गप्पा मारल्या. विशेष म्हणजे, त्याने मराठी भाषेत संवाद साधत उपस्थितांची मने जिंकली. त्याच्या सहज आणि आत्मीय बोलण्यामुळे सगळ्यांनाच एक वेगळीच आनंदाची अनुभूती मिळाली. यावेळी रोहित शर्माने "मुंबईमध्ये राहतो मराठी तर येणारच", असं वक्तव्य देखील केलंय. 

या संस्मरणीय क्षणांचे चित्रीकरण करण्यात आले असून भक्ती देसाई आणि नम्रता संभेराव यांनी ते व्हिडिओ सोशल मीडियावर शेअर केले आहेत. रोहितला भेटण्यापूर्वी कलाकारांमध्ये असलेली उत्सुकता आणि तो समोर येताच निर्माण झालेला आनंददायी माहोल स्पष्टपणे पाहायला मिळतो. त्यांच्यातील हलकाफुलका संवादही चाहत्यांचे लक्ष वेधून घेत आहे. अमराठी पार्श्वभूमी असूनही रोहितने ओघवत्या मराठीत संवाद साधला आणि त्यामागचे कारण सांगितल्यावर उपस्थित प्रत्येकालाच अभिमानाची भावना दाटून आली.

इतर महत्त्वाच्या बातम्या 

अहिल्यानगर : पोटच्या मुलानेच आईला संपवलं, चाकू आणि अडकित्त्याच्या सहाय्याने हत्या, दोन तास मृतदेहाजवळच खेळत बसला