IPL 2023 : कसं बुक कराल तिकीट? कुठे मिळेल ऑफर.. जाणून घ्या सारं काही!

हा खेळाडू दासुन शनाका आहे, जो श्रीलंकेच्या संघाचा मर्यादित षटकांचा कर्णधार आहे. शनाका हा गुजरात संघाचा कर्णधार हार्दिक पांड्यासारखा अष्टपैलू खेळाडू आहे. म्हणजेच त्याच्यात वेगवान गोलंदाजीने विकेट्स घेण्याची आणि फलंदाजीसह तुफानी धावा करण्याची क्षमता आहे.

शनाका उत्कृष्ट फॉर्ममध्ये आहे

शनाकामध्येही पांड्याप्रमाणे सामना फिरवण्याची ताकद आहे. त्याच्या संघात आल्याने गुजरात टायटन्स आणखी मजबूत होईल. शनाकाने मागील 5 सामन्यात 8 विकेट घेतल्या आहेत. तसेच या 5 सामन्यातील 4 डावात 115 धावा केल्या. म्हणजेच हा खेळाडू अजूनही उत्कृष्ट फॉर्ममध्ये आहे.

शनाकाने आतापर्यंत 6 कसोटी सामन्यात 140 धावा केल्या असून 13 बळी घेतले आहेत. तर 50 एकदिवसीय सामन्यांमध्ये 26.14 च्या सरासरीने 1098 धावा केल्या. यासोबतच 17 विकेट्सही त्याच्या नावावर आहेत. शनाकाने आतापर्यंत 86 टी-20 आंतरराष्ट्रीय सामने खेळले असून 1329 धावा केल्या आहेत आणि 25 बळी घेतले आहेत.

IPL 2023 : चरणस्पर्श! धोनी समोर येताच अरिजीत सिंग पडला पाया, चाहत्यांची जिंकली मनं

शनाकाला 50 लाख रुपयांना विकत घेतले

आयपीएलची सुरुवात शुक्रवारी (31 मार्च) एका शानदार उद्घाटन सोहळ्याने झाली. यानंतर मोसमातील पहिल्या सामन्यात गुजरात टायटन्सने चेन्नई सुपर किंग्जचा 5 गडी राखून पराभव केला. या सामन्यात केन विल्यमसनला दुखापत झाल्याने तो स्पर्धेतून बाहेर पडला. गुजरात फ्रँचायझीने 2023 च्या मिनी लिलावात 2 कोटी रुपयांची बोली लावून विल्यमसनला खरेदी केले होते.गुजरात फ्रँचायझीने दासुन शनाकाला त्याच्या 50 लाख रुपयांच्या मूळ किंमतीसह बदली म्हणून संघात समाविष्ट केले आहे. अलीकडेच, भारतीय संघाविरुद्धच्या तीन टी-20 मालिकेत, दासून शनाकाने 62 च्या सरासरीने आणि 187 च्या उत्कृष्ट स्ट्राइक रेटने 124 धावा केल्या. याशिवाय त्याने वनडे मालिकेतील तीन डावात एकूण 121 धावा केल्या.

IPL 2023 DC vs GT: दिल्लीच्या हातातला मॅच निसटला; गुजरातने अशी पलटली बाजी