मांजर पाळणं शुभ की अशुभ? मांजर पाळल्याने घरात नेमकं होतं तरी काय
Astro Tips: मांजर घरात पाळावी की पाळू नये यावरून अनेक मतमतांतरं आहेत. याबाबत ज्योतिषशास्त्रात नेमकं काय म्हटलंय हे आपण सविस्तर जाणून घेऊया.
ADVERTISEMENT
Astro Tips for Cats: भारतीय संस्कृतीत पाळीव प्राण्यांना नेहमीच विशेष स्थान राहिले आहे. कुत्रा, मांजर, पक्षी यांसारखे प्राणी घरात पाळले जातात आणि त्यांच्याशी भावनिक नाते जोडले जाते. परंतु, मांजर पाळण्याबाबत समाजात वेगवेगळी मते आहेत. काहींसाठी मांजर ही घराला सकारात्मकता आणि आनंद देणारी आहे, तर काहींसाठी ती अशुभतेचे प्रतीक मानली जाते. ज्योतिषशास्त्रात मांजरीबाबत काय सांगितले आहे आणि त्याचा अर्थ कसा लावला जातो हे आपण पाहूया.
ज्योतिषशास्त्रातील मांजरीचे स्थान
ज्योतिषशास्त्रात मांजर ही राहू ग्रहाशी जोडली जाते. राहू हा एक छाया ग्रह असून, तो अशुभता, भ्रम आणि अनिश्चिततेचे प्रतीक मानला जातो. यामुळे मांजर पाळण्याला काही ज्योतिषी नकारात्मक दृष्टिकोनातून पाहतात. काही ज्योतिष शास्त्रज्ञांच्या मते, मांजरीमुळे आरोग्याच्या समस्या निर्माण होऊ शकतात.
हे ही वाचा>> शनिवारी नखं कापणे म्हणजे संकटाला निमंत्रण.. ज्योतिषशास्त्रात नेमकं काय?
नारद पुराण आणि इतर काही प्राचीन ग्रंथांमध्येही मांजरीबाबत काही उल्लेख आढळतात. मांजरीचा रडण्याचा आवाज हे अशुभ मानले जाते. उदाहरणार्थ, जर एखादी मांजर घरात येऊन रडत असेल, तर ती अडचणी किंवा संकटाची सूचना देणारी मानली जाते. यामुळे काही पारंपरिक कुटुंबांमध्ये मांजर पाळण्याला विरोध केला जातो.
रंगानुसार शुभ-अशुभ संकेत
ज्योतिषशास्त्रात मांजरीच्या रंगाला विशेष महत्त्व आहे. काळ्या मांजरीला अशुभ मानले जाते, तर पांढरी मांजर सकारात्मक ऊर्जा आणि शांतीचे प्रतीक मानली जाते. सोनेरी, तपकिरी किंवा राखाडी मांजरी संपत्ती, समृद्धी आणि प्रगतीचे संकेत देतात, अशीही श्रद्धा आहे. जर एखाद्या घरात मांजरीने पिल्लांना जन्म दिला, तर ते कुटुंबाच्या उन्नतीचे आणि सौभाग्याचे लक्षण मानले जाते. परंतु, एकापेक्षा जास्त मांजरी घरात असतील, तर त्या नकारात्मक शक्ती वाढवतात, असेही काही ज्योतिषी सांगतात.
हे वाचलं का?
