Astro Tips: बाइक आणि कार घेताना 'हे' नंबर ठरतात लकी, तुम्हीही आजच...
Auspicious Number plate: वाहन हे तुमच्या जीवनाचा एक महत्त्वाचा भाग बनते. जर त्याचा नंबर तुमच्या ग्रहांशी अनुकूल असेल, तर ते तुम्हाला सुरक्षितता, यश आणि सकारात्मक ऊर्जा प्रदान करते. असे ज्योतिषशास्त्रात म्हटलं आहे.
ADVERTISEMENT
मुंबई: आजच्या आधुनिक काळात वाहन खरेदी करणे हा प्रत्येकाच्या आयुष्यातील एक महत्त्वाचा निर्णय असतो. मग तो बाइक असो वा कार, प्रत्येकजण आपल्या आवडीनुसार आणि गरजेनुसार वाहन निवडतो. पण तुम्हाला माहीत आहे का, की वाहन खरेदी करताना त्याचा नंबरदेखील ज्योतिषशास्त्राच्या दृष्टिकोनातून खूप महत्त्वाचा मानला जातो? ज्योतिषशास्त्रज्ञांच्या मते, वाहनाचा नंबर हा तुमच्या नशिबाशी आणि ग्रहांच्या प्रभावाशी जोडलेला असतो.
ज्योतिषशास्त्रात प्रत्येक अंकाला एक विशिष्ट ग्रहाशी जोडले जाते. उदाहरणार्थ, 1 हा सूर्यासाठी, 2 चंद्रासाठी, 3 गुरूसाठी, तर 4 हा राहूसाठी मानला जातो. या अंकांचा प्रभाव तुमच्या जीवनावर पडतो, असा दावा ज्योतिषी करतात. म्हणूनच वाहन घेताना तुमच्या जन्मतारखेशी किंवा राशीशी सुसंगत असलेला 'लकी नंबर' निवडणे शुभ मानले जाते.
हे ही वाचा>> कुत्र्याचे रात्री रडणे शुभ असते की अशुभ... तुमच्या मनातही तीच भीती?
जर तुम्ही तुमच्या ग्रहांच्या अनुकूल असलेला नंबर निवडला, तर वाहन तुमच्यासाठी सुख, समृद्धी आणि सुरक्षितता घेऊन येऊ शकते. पण, अशुभ अंकामुळे अपघात किंवा अडचणी येण्याची शक्यता वाढते. असं अनेक ज्योतिष शास्त्रज्ञ सांगतात.
उदाहरणार्थ, जर एखाद्या व्यक्तीची रास मेष असेल, जी मंगळ ग्रहाशी संबंधित आहे, तर त्यांच्यासाठी 9 हा अंक शुभ ठरू शकतो. त्याचप्रमाणे कर्क राशीच्या लोकांसाठी, ज्यांचा संबंध चंद्राशी आहे, 2 हा अंक लकी मानला जातो. अनेक लोक आपल्या वाहनाचा नंबर ठरवताना ज्योतिषींचा सल्ला घेतात किंवा स्वतःच्या जन्मतारखेच्या बेरजेवरून अंक निश्चित करतात.
हे वाचलं का?
