Vastu Tips: घरात गणपती बाप्पाची मूर्ती 'या' दिशेला ठेवा, नाहीतर...
Vastu Tips for Ganpati Bappa Idol: घरात गणपती बाप्पांची मूर्ती ही नेमकी कोणत्या दिशेला असली पाहिजे याबाबत वास्तूशास्त्रात काय सांगितले आहे हे जाणून घ्या.
ADVERTISEMENT
Ganpati Bappa: मुंबई: हिंदू धर्मात गणपती बाप्पाला प्रथम पूज्य आणि विघ्नहर्ता मानले जाते. कोणतेही शुभ कार्य सुरू करण्यापूर्वी त्याची पूजा केली जाते. घरात गणपतीची मूर्ती ठेवणे ही अनेक कुटुंबांची परंपरा आहे, पण ही मूर्ती कोणत्या दिशेला ठेवावी याबाबत वास्तूशास्त्र काय सांगते? गणपतीच्या मूर्तीची योग्य दिशा आणि स्थान यामुळे घरात सुख, शांती आणि समृद्धी नांदते, असे मानले जाते. वास्तू तज्ज्ञांच्या मते गणपती बाप्पाची मूर्ती घरात कशी आणि कोठे ठेवावी, याबाबत सविस्तर जाणून घेऊया.
गणपतीची मूर्ती ठेवण्यासाठी सर्वोत्तम दिशा
वास्तूशास्त्रानुसार, गणपती बाप्पाची मूर्ती घराच्या ईशान्य दिशेला (उत्तर-पूर्व) ठेवणे सर्वात शुभ मानले जाते. ही दिशा शांतता, सकारात्मक ऊर्जा आणि समृद्धीचे प्रतीक आहे. ईशान्य दिशा ही देवतांच्या निवासस्थानाची दिशा मानली जाते, त्यामुळे येथे गणपतीची स्थापना केल्यास घरात सुख-शांती आणि आर्थिक स्थैर्य येते. वास्तू तज्ज्ञांच्या मते, जर ईशान्य दिशेला मूर्ती ठेवणे शक्य नसेल, तर उत्तर किंवा पूर्व दिशेलाही पर्याय म्हणून वापरता येते.
हे ही वाचा>> मांजर पाळणं शुभ की अशुभ? मांजर पाळल्याने घरात नेमकं होतं तरी काय
'या' दिशांना बाप्पाची मूर्ती ठेवणं टाळा
वास्तूशास्त्रात काही दिशांना गणपतीची मूर्ती ठेवणे अशुभ मानले जाते. विशेषतः दक्षिण आणि नैऋत्य (दक्षिण-पश्चिम) दिशेला मूर्ती ठेवू नये. या दिशा नकारात्मक ऊर्जेशी संबंधित मानल्या जातात आणि येथे मूर्ती ठेवल्यास घरात अडचणी, तणाव किंवा आर्थिक नुकसान होण्याची शक्यता असते.
मूर्तीची दिशा आणि सोंडेचा विचार
गणपतीच्या मूर्तीची दिशा ठरवताना त्याच्या सोंडेच्या दिशेकडेही लक्ष द्यावे. वास्तूनुसार, डाव्या बाजूला वळलेली सोंड असलेली मूर्ती घरात ठेवण्यासाठी शुभ मानली जाते. अशी मूर्ती शांतता, सौहार्द आणि सकारात्मक ऊर्जेचे प्रतीक आहे. दुसरीकडे, उजव्या बाजूला वळलेली सोंड असलेला गणपती सिद्धिविनायक म्हणून ओळखला जातो, जो शक्तिशाली आणि कडक नियमांचा मानला जातो. अशी मूर्ती घरात ठेवण्याऐवजी मंदिरात किंवा विशेष पूजेसाठी वापरणे श्रेयस्कर आहे.
