पैसा-पाणी : संकटात संधी! ट्रंप यांच्या टॅरिफ धोरणामुळे भारतासाठी नवे दरवाजे उघडण्याची शक्यता
What is Tariff : डोनाल्ड ट्रंप यांनी जागतिक स्तरावर आयात मालावर टॅरिफ (कर) लावून आर्थिक अस्थिरतेचं वातावरण तयार केलं आहे. मात्र, अशा काळातही भारतला नेमक्या कशा पद्धतीनं संधी निर्माण होऊ शकतात, हे समजून घेऊ.
ADVERTISEMENT
बातम्या हायलाइट
अमेरिकेच्या निर्णयाचा भारतावर परिणाम किती?
ट्रंप यांनी नेमकं केलं तरी काय?
अमेरिकेचं टॅरिफ धोरण नक्की काय?
अमेरिकेचे अध्यक्ष डोनाल्ड ट्रंप यांनी जागतिक स्तरावर आयात मालावर टॅरिफ (कर) लावून आर्थिक अस्थिरतेचं वातावरण तयार केलं आहे. शेअर बाजार कोसळतोय आणि अमेरिकेत मंदी येण्याची शक्यता अधिक गडद होत चालली आहे. या सर्व गोंधळाचा शेवट काय होईल, हे कोणीच सांगू शकत नाही. पण या आव्हानात भारतासाठी काही संधी लपलेल्या आहेत का?
द लॅजरच्या या अंकात आपण पाहूया की भारतावर याचा काय परिणाम होऊ शकतो आणि ही “आपदा” भारतासाठी “अवसर” का ठरू शकते.
ट्रंप यांनी नेमकं केलं तरी काय?
ट्रंप यांनी निवडणुकीपूर्वीच इशारा दिला होती की, अमेरिकेत येणाऱ्या मालावर आयात कर वाढवला जाईल. इतर देश अमेरिकेत माल पाठवत आहेत आणि त्यावर कमी टॅरिफ असल्यामुळे अमेरिकी कंपन्या देशात उत्पादन करत नाहीत. त्यामुळे अमेरिकन रोजगार कमी झाला असं कारण त्यांनी समोर ठेवलं होतं.
हे ही वाचा >> स्कॉर्पिओमधून आले, महिलेला उचलून नेलं... पिंपरीतल्या अपहरणाचा काही तासात उलगडा, मोठा ट्वीस्ट
दुसरीकडे, जेव्हा अमेरिका इतर देशांना आपला माल विकते, तेव्हा त्या देशांकडून मोठा टॅरिफ लावला जातो. म्हणजे अमेरिकन माल तिथल्या स्पर्धेत टिकत नाही. यामुळे अमेरिकेची ट्रेड डेफिसिट (व्यापार तूट) वाढत चालली आहे.
हे वाचलं का?
