पुणे हादरलं! कॉलेजजवळच 10 सिलिंडर फुटले, नेमकं प्रकरण घडलं कसं?
पुण्यातील सिम्बॉयोसिस कॉलेजजवळ बेकायदेशीररित्या ठेवलेल्या 100 सिलिंडरपैकी 10 सिलिंडरचा स्फोट होऊन भीषण आग लागली. त्यामध्ये सुदैवाने कोणतीही जीवितहानी झाली नसली तरी एवढ्या मोठ्या प्रमाणात बेकायदेशीर सिलिंडर का आणि कोणी ठेवले होते, त्याचा तपास करण्यात येत आहे.
ADVERTISEMENT
Pune Blast: पुण्यात आज दुपारी विमाननगरच्या सिम्बॉयोसिस कॉलेजजवळ (Symbiosis College) असलेल्या रोहन मिथिला इमारतीजवळ सिलेंडरचा स्फोट झाला. त्यानंतर भीषण आग लागल्याने परिसरात भीतीचे वातावरण पसरले होते. इमारतीजवळ जवळ 10 सिलिंडरचा स्फोट (Cylinder blast) झाल्याने जोरदार आवाज झाला. त्यानंतर तात्काळ अग्निशमन दलाच्या तीन गाड्या घटनास्थळी दाखल होऊन आग अटोक्यात आणण्यात आली.
बेकायदेशीर साठा
सिम्बॉयोसिस कॉलेजजवळ असलेल्या रोहन मिथिला इमारतीजवळ बांधकाम सुरू होते, त्या इमारतीमध्ये बेकायदेशीररित्या सिलिंडरचा साठा ठेवण्यात आला होता. त्यामध्ये 100 पेक्षाही जास्त सिलिंडरचा साठा करून ठेवण्यात आला होता. त्यातील 10 सिलिंडरचा स्फोट झाल्याची माहिती अग्निशमन दलाकडून सांगण्यात आले.
हे ही वाचा >> शरद पवारांवर आक्षेपार्ह पोस्ट, उच्च शिक्षित तरुणाला ठोकल्या बेड्या
मोठी दुर्घटना टळली
या दुर्घेटनेत 10 सिलिंडरचा स्फोट झाला असला तरी यामध्ये सुदैवाने कोणतीही जीवितहानी झाली नाही. अग्निशमन दलाकडून आगीवर तात्काळ नियंत्रण मिळवल्याने कोणतीही मोठी दुर्घटना घडली नाही.
हे वाचलं का?
