पुण्याची गोष्ट: 'शंकर महाराज अंगात येतात...' पुण्यातील 'त्या' बाईची चक्रावून टाकणारी कहाणी
पुण्यात एका महिलेने एका दाम्पत्याची तब्बल 14 कोटी रुपयांची फसवणूक केली असल्याची धक्कादायक घटना नुकतीच समोर आली आहे. जाणून घ्या याविषयी सविस्तरपणे.
ADVERTISEMENT
बातम्या हायलाइट
शंकर महाराज अंगात येतात असे भासवून पुण्यातील कुटुंबाची १४ कोटी रुपयांची फसवणूक
परदेशातील घर, शेती, सोन्यावर कर्ज काढून लुबाडले १४ कोटी रुपये
पती पत्नी आणि इतरांनी केली पुण्यातील कुटुंबाची आर्थिक फसवणूक
पुणे: शंकर महाराज अंगात येतात असे भासवून पुण्यातील एका कुटुंबाची तब्बल 14 कोटी रुपयांची फसवणूक केल्याची धक्कदायक घटना नुकतीच समोर आली आहे. पुण्याचे पोलीस आयुक्त अमितेश कुमार यांना दिलेल्या तक्रार अर्जानुसार, पीडित कुटुंबीय हे पती-पत्नी असून एका खाजगी कंपनीमध्ये कामाला आहेत. त्यांना असलेल्या दोन्ही मुलींना व्याधी असल्यामुळे त्या आजारी असतात. त्यातील एका मुलीला अलुपेशीया नावाचा रोग असल्याने तिला कमी प्रमाणात केस येतात. या दांपत्याला भजनाची आवड असल्याने ते अनेक ठिकाणी या कार्यक्रमासाठी जात असे. यावेळी त्या दोघांची दिपक जनार्दन खडके या व्यक्तीशी ओळख झाली
पुण्यातील दाम्पत्याची वेदिकाने केली मोठी फसवणूक
या दाम्पत्याच्या मुलींबाबत खडके यांना कळल्यानंतर त्याने त्यांची ओळख वेदिका कुणाल पंढरपूरकर व कुणाल पंढरपूरकर यांच्याशी करून दिली. यावेळी त्यांनी "वेदिका शंकर बाबाची लेक असून वेदिकाच्या अंगात शंकर बाबा येतात ते तुमचे सर्व काम करून देतील तुमच्या मुलींचे आजार ठीक करतील तुम्ही निश्चित राहा" असे सांगितले.
हे ही वाचा>> Pune: बिझनेसमनची सून घरच्यांना द्यायची झोपेच्या गोळ्या, भरदिवसा बेडरूममध्ये तरुणाला बोलवायची अन् सतत करायची नको ते...
यानंतर खडके यांच्या एका दरबारात, या दाम्पत्याला जेव्हा वेदिका भेटली तेव्हा तिने अंगात शंकर बाबा आल्याचं सांगितलं तसेच शंकर महाराजांची अॅक्टिंग करून स्वतः शंकर बाबा बोलत असल्याबाबत भासवलं.
यावेळी या दाम्पत्याकडे असलेली सर्व रक्कम माझ्याकडे द्या आणि मुलीचा आजार गंभीर असून दोष जास्त आहेत त्यामुळे आजार बरा होण्यास कालावधी लागेल असं सांगून करोडो रुपये उकळले.
हे वाचलं का?
