दारूच्या बदल्यात काहीतरी वेगळंच मागितलं, वादानंतर तरूणानं थेट चाकूने... पुण्यातील त्या घटनेचा उलगडा

हे ही वाचा >>ShivSena UBT-MNS: 'जे महाराष्ट्राच्या जनतेच्या मनात ते होईल', उद्धव ठाकरेंचं मनसेसोबतच्या युतीवर सर्वात मोठं विधान!

पोलिसांनी दिलेल्या माहितीनुसार, काही दिवसांपूर्वी मंडई मेट्रो स्टेशनजवळ मोकळ्या जागेत एका अज्ञात व्यक्तीचा मृतदेह आढळला होता. मृत व्यक्तीच्या गळ्यावर धारदार शस्त्राने वार करून त्याची हत्या करण्यात आली होती. यामुळे हे खुनाचे प्रकरण असल्याचं स्पष्ट झालं. पोलिसांनी तातडीनं तपास सुरू केला. परिसरातील सीसीटीव्ही फुटेज तपासल्यानंतर रमेश सात्रे याच्यावर पोलिसांना संशय आला.

खुनानंतर रमेश पुण्याबाहेर पसार झाला होता. पोलिसांच्या विशेष पथकाने अथक प्रयत्न करून त्याला अटक केली. चौकशीदरम्यान रमेशने खुनाची कबुली दिली. पोलिसांनी सांगितले की, रमेश हा व्यसनी आहे, तसेच मृत व्यक्तीही दारूच्या आहारी होती. 

हे ही वाचा >>आईनेच 17 वर्षाच्या लेकीला संपवलं! मावस, चुलत भावांनी साथ दिली, प्रेमाचा दी एंड कसा झाला?

घटनेच्या रात्री मध्यरात्री मृत व्यक्तीने रमेशकडे दारू मागितली होती. याचवेळी रमेशने त्याच्यावर अनैसर्गिक कृत्य करण्याचा प्रयत्न केला. यावरून दोघांमध्ये तुंबळ भांडण झाले. रागाच्या भरात रमेशने जवळच पडलेल्या चाकूने मृत व्यक्तीच्या गळ्यावर वार करून त्याची हत्या केली. सध्या मृत व्यक्तीच्या ओळखीचे काम सुरू आहे. पोलिस या दिशेने तपास करत असून, प्रकरणाचा अधिक तपशील लवकरच समोर येण्याची शक्यता आहे.