शरद पवारांनी मंदिरात जाऊन का घेतलं नाही दगडूशेठ हलवाई गणपतीचं दर्शन?

‘शरद पवार नास्तिक आहेत त्यामुळेच ते….’ राज ठाकरेंचा निशाणा

दर्शन न घेण्याबद्दल काय म्हणाले शरद पवार?

आज नॉनव्हेज जेवण घेतल्याने आपण मंदिरात गेलो नाही, नॉनव्हेज खाल्ल्यानंतर मंदिरात जाणं योग्य वाटलं नाही म्हणून गेलो नाही असं याबाबत शरद पवार यांनी स्पष्ट केलं आहे.

श्रीमंत दगडूशेठ हलवाई गणपती मंदिर ट्रस्टने मागणी केली होती की, मंदिराला नव्या जागेची आवश्यकता आहे. मंदिराची सदर जागा गृह विभागाची असल्यामुळे आज राष्ट्रवादी काँग्रेस पक्षाचे राष्ट्रीय अध्यक्ष आदरणीय @PawarSpeaks साहेब आणि गृहमंत्री ना. @Dwalsepatil यांनी आज मंदिरास भेट दिली. pic.twitter.com/y0hqMk1TCy

— NCP (@NCPspeaks) May 27, 2022

गजानन काळे यांची शरद पवारांवर टीका

राज ठाकरे हिंदू, हिंदुत्व, देव धर्म ह्यावर बोलले त्यानंतर सर्व महाविकास आघाडीचे झाडून नेते मंदिरात जाताना दिसले. आज पवार साहेब देखील दगडू शेठ गणपती बाप्पाच्या दर्शनासाठी गेले होते. पण त्यांनी बाहेरूनच दर्शन घेतलं. राज ठाकरेंनी नास्तिक म्हटल्यापासून त्यांचा आस्तिक होण्याचा प्रवास चांगला आहे. मात्र शरद पवारांनी दगडूशेठ हलवाई गणपतीच्या मंदिर गाभाऱ्यात जाऊन दर्शन घेतलं असतं तर आणखी आनंद झाला असता. राज ठाकरेंचं वक्तव्य शरद पवारांनी खूपच गांभीर्याने मनावर घेतल्यचं दिसतं आहे असंही गजानन काळे यांनी म्हटलं आहे.

राजसाहेब ठाकरे हिंदू, हिंदुत्व,देव,धर्म यावर काय बोलले त्यानंतर महाविकास आघाडीचे झाडून सगळे नेते मंदिरात जाताना दिसले..आज आदरणीय पवारसाहेब देखील दगडूशेठ गणपती बाप्पाच्या दर्शनासाठी गेले…राजसाहेबांनी पवार साहेबांना नास्तिक बोलल्यावर त्यांचा आस्तिक होण्याचा प्रवास सुखावणारा आहे.

— Gajanan Kale (@GajananKaleMNS) May 27, 2022

राष्ट्रवादी काँग्रेसचे अध्यक्ष शरद पवार हे नास्तिक आहेत अशी टीका राज ठाकरेंनी त्यांच्या भाषणात केली होती. ते देव वगैरे काहीही मानत नाहीत त्यामुळेच ते मंदिरात कधीही जात नाहीत, इतरांनी हे धोरण अवलंबावं असं त्यांना वाटत असतं या आशयाचा एक आरोप राज ठाकरे यांनी त्यांच्या भाषणात केला होता. त्यानंतर बारामतीकरांनी राज ठाकरेंना उत्तर देत शरद पवारांचे बारामती येथील मारूती मंदिरातले फोटो पोस्ट केले होते. तसंच शरद पवार आणि राष्ट्रवादीच्या इतर नेत्यांनीही हा आरोप खोडून काढला होता.

राज ठाकरे म्हणाले शरद पवार नास्तिक, बारामतीकर म्हणाले हा पाहा व्हीडिओ

आज शरद पवार हे जेव्हा दगडूशेठ गणपती मंदिरात गेले नाहीत तेव्हा पुन्हा एकदा अनेकांना राज ठाकरेंच्या त्या वक्तव्याची आठवण झाली. तसंच शरद पवार मंदिराच्या गाभाऱ्यात का गेले नाहीत ? याचीही चर्चा सुरू झाली होती. अशात आपण नॉन व्हेज खाल्लं असल्याने मंदिरात जाणं आपल्याला पटलं नाही त्यामुळे गणपतीचं दर्शन बाहेरून घेतलं असं शरद पवार यांनी स्पष्ट केलं आहे.