बीड : 80 हजारांची मागणी, बार्गेनिंग करुन 60 हजार ठरले, API आणि पोलीस कॉन्स्टेबलला लाच घेताना पकडलं
Beed Crime News : मिळालेल्या माहितीनुसार, चकलांबा पोलीस ठाण्याचे प्रभारी अधिकारी संदीप पाटील यांनी एका वाळू माफियाकडे कामाच्या बदल्यात 80 हजार रुपयांच्या लाचेची मागणी केली होती. या मागणीबाबत लाचलुचपत प्रतिबंधक विभागाकडे तक्रार प्राप्त झाली होती. त्यानंतर झालेल्या तडजोडीअंती 60 हजार रुपये देण्याचे निश्चित झाले होते. यातील 50 हजार रुपयांचा पहिला हप्ता पोलीस कॉन्स्टेबल सुरवसे याच्याकडे देण्याचे निर्देश संदीप पाटील यांनी दिले होते.
ADVERTISEMENT
बातम्या हायलाइट
बीड : 80 हजारांची मागणी, बार्गेनिंग करुन 60 हजार ठरले
API आणि पोलीस कॉन्स्टेबलला लाच घेताना पकडलं
Beed Crime News : बीड जिल्ह्यातील गेवराई तालुक्यातील चकलांबा पोलीस ठाण्याचे प्रभारी सहाय्यक पोलीस निरीक्षक (API) संदीप पाटील आणि पोलीस कॉन्स्टेबल सुरवसे यांना 50 हजार रुपयांची लाच स्वीकारताना रंगेहात पकडण्यात आले आहे. या कारवाईमुळे पोलीस दलात मोठी खळबळ उडाली असून लाचलुचपत प्रतिबंधक विभागाने ही सापळा लावून यशस्वी कारवाई केली आहे. या दोन्ही आरोपींच्या विरोधात चकलांबा पोलीस ठाण्यात गुन्हा दाखल करण्याची प्रक्रिया पूर्ण करण्यात आली आहे.
मिळालेल्या माहितीनुसार, चकलांबा पोलीस ठाण्याचे प्रभारी अधिकारी संदीप पाटील यांनी एका वाळू माफियाकडे कामाच्या बदल्यात 80 हजार रुपयांच्या लाचेची मागणी केली होती. या मागणीबाबत लाचलुचपत प्रतिबंधक विभागाकडे तक्रार प्राप्त झाली होती. त्यानंतर झालेल्या तडजोडीअंती 60 हजार रुपये देण्याचे निश्चित झाले होते. यातील 50 हजार रुपयांचा पहिला हप्ता पोलीस कॉन्स्टेबल सुरवसे याच्याकडे देण्याचे निर्देश संदीप पाटील यांनी दिले होते.
ठरल्याप्रमाणे 50 हजार रुपयांची रक्कम स्वीकारताच बीडच्या लाचलुचपत प्रतिबंधक विभागाने पोलीस कॉन्स्टेबल सुरवसे याला ताब्यात घेतले. या प्रकरणातील मुख्य सूत्रधार संदीप पाटील असल्याचे स्पष्ट झाल्याने विभागाने त्यालाही तात्काळ ताब्यात घेतले आहे. वाळू उपसा आणि वाहतुकीच्या संदर्भात ही लाच मागितल्याचे प्राथमिक तपासात समोर आले असून या कारवाईमुळे अवैध धंद्यांना पाठबळ देणाऱ्या अधिकाऱ्यांचे धाबे दणाणले आहेत.
हे वाचलं का?
