तीन तास रंगला थरार

मिळालेल्या माहितीनुसार, वडिलांसोबत वाद झाल्याने हा मुलगा आत्महत्या करण्यासाठी खवड्या डोंगरावर गेला होता. त्याच्यापाठोपाठ त्याचे आई-वडीलदेखील आले होते. तो डोंगराच्या कड्यावर उभा असताना पोलीस आणि अग्निशमन दलही तिथे आले होते. वडील या मुलाला वाचवण्यासाठी गेले असता दोघंही कड्यावरुन खाली कोसळले. यामुळे धक्का बसलेल्या आईनेही कड्यावरुन उडी मारुन आत्महत्या केली. 

हे ही वाचा : राहुल गांधींचा संसद मार्ग पोलीस स्टेशनबाहेर ठिय्या, कोणत्या मागणीसाठी झाले आक्रमक?

उपस्थितांनी काय सांगितलं?

तिसगावच्या माजी सरपंचांनी दिलेल्या माहितीनुसार, सकाळी दहा वाजल्यापासून दुपारी एक वाजेपर्यंत हा थरार रंगला होता. तो मुलगा ऐकायला अजिबात तयार नव्हता. तो वारंवार जागा बदलत होता आणि आईसोबत बोलत होता. आईनेसुद्धा त्याला विनंती केली. मात्र तो काहीही ऐकण्याच्या मन:स्थितीन नव्हता. जवळपास तीन तास आम्ही त्याला विनंती करत होतो. 

हे ही वाचा : हिंगोली : बिस्किस्टाचे अमिष दाखवून 13 वर्षीय भोळसर मुलीवर सामुहिक बलात्कार, चौघांना अटक

'मला मरायचंच आहे'

यापुढं बोलताना त्यांनी सांगितलं की, वडील त्या मुलाला धरायला गेले. मात्र दोघंही कड्यावरुन खाली कोसळले. हे पाहून त्याच्या आईनेदेखील उडी मारली. तू शिक्षित आहेस, आईकडे बघ. तुझं भविष्य बघ असं त्याला सांगितलं. मात्र त्यानं ऐकलं नाही आणि मला मरायचंच आहे असं तो म्हणत राहिला.