'असा' करा अर्ज

अर्ज करणाऱ्या उमेवारांनी जाहिरातीत नमूद केलेल्या इंजिनिअरिंगच्या विविध शाखेत कमीत कमी 60 टक्क्यांसह डिग्री प्राप्त केलेली असावी. तसेच राजभाषा या विभागात अर्ज करण्यासाठी हिंदी विषयातून 60 टक्के गुणांसह पदव्युत्तर पदवी प्राप्त केलेली असावी. तसेच कंपनी सेक्रेटरी या पदासाठी कोणत्याही शाखेतील पदवी आणि सीएस पूर्ण केले असावे. अर्ज करण्याची प्रक्रिया पूर्णपणे ऑनलाइन असून, इच्छुक उमेदवारांना कोल इंडियाच्या अधिकृत संकेतस्थळावर (www.coalindia.in) जाऊन 'Career with CIL' या विभागांतर्गत अर्ज करावा लागेल.

हे ही वाचा : अकोला : आई-वडील मजूरीला गेले अन् घडलं भयानक, 60 वर्षीय शेजाऱ्याने केला अल्पवयीन मुलीवर बलात्कार

अर्ज कधी सुरु होणार ?

ऑनलाइन नोंदणी प्रक्रिया 12 मे रोजी सकाळी 10 वाजल्यापासून सुरू होणार असून, अर्ज सादर करण्याची अंतिम मुदत 11 जून पर्यंत संध्याकाळी 6 वाजेपर्यंत आहे. वयोमर्यादेची गणना करण्यासाठी 30 एप्रिल आधारभूत दिनांक मानली जाईल, त्यामुळे उमेदवारांनी आपले वय आणि शैक्षणिक पात्रता तपासून विहित मुदतीत अर्ज पूर्ण करणे आवश्यक आहे.

हे ही वाचा : 'ते' एक स्वप्न अन् 'या बड्या नेत्यांचा' राजकारणात गेम ओव्हर! असं नेमकं काय घडलं?

'इतका' पगार मिळणार

या पदांसाठी वेतनश्रेणी अत्यंत आकर्षक असून, निवडलेल्या उमेदवारांना 60,000 ते 1,80,000 रुपयांपर्यंत पगार मिळणार आहे. प्रशिक्षणाच्या कालावधीत उमेदवारांना दरमहा 60,000 रुपये मूळ वेतन दिले जाईल. याव्यतिरिक्त महागाई भत्ता (DA), घरभाडे भत्ता (HRA) आणि 'कॅफेटेरिया अप्रोच' अंतर्गत मिळणारे विविध भत्ते व 'परफॉर्मन्स रिलेटेड पे' (PRP) यांसारख्या सुविधाही लागू असतील. यशस्वीरीत्या एक वर्षाचा प्रशिक्षण आणि प्रोबेशन कालावधी पूर्ण केल्यानंतर, उमेदवारांना संबंधित विभागात 'अधिकारी' (Officer) म्हणून कायमस्वरूपी नियुक्त केले जाईल.