Govt Jobs : पंजाब नॅशनल बँकेत पदवीधरांना नोकरीची संधी, लगेच अर्ज करा
पंजाब नॅशनल बँकेत नोकरीची सुवर्णसंधी उपलब्ध झाली आहे. Local Bank Officer पदाच्या एकूण 545 जागांसाठी भरती होणार आहेत.
ADVERTISEMENT
बातम्या हायलाइट
पंजाब नॅशनल बँकेत पदवीधरांना नोकरीची संधी
लगेच अर्ज करा
PNB Recruitment : पंजाब नॅशनल बँकेत (PNB) नोकरीची सुवर्णसंधी उपलब्ध झाली आहे. स्थानिक बँक अधिकारी (Local Bank Officer) या पदाच्या एकूण 545 जागांसाठी भरती प्रक्रिया सुरू झाली आहे. या भरतीअंतर्गत निवड झालेल्या उमेदवारांना संपूर्ण भारतात विविध ठिकाणी सेवा बजावण्याची संधी मिळणार आहे. बँकिंग क्षेत्रात करिअर करू इच्छिणाऱ्या पात्र आणि उत्सुक उमेदवारांकडून ऑनलाईन पद्धतीने अर्ज मागवण्यात येत आहेत.
पात्रतेचे निकष काय?
या भरतीसाठी अर्ज करणाऱ्या उमेदवाराने मान्यताप्राप्त विद्यापीठातून कोणत्याही शाखेतील पदवी पूर्ण केलेली असणे आवश्यक आहे. तसेच, रिझर्व्ह बँक ऑफ इंडियाच्या (RBI) दुसऱ्या अनुसूचीमध्ये समाविष्ट असलेल्या कोणत्याही अनुसूचित व्यावसायिक बँक (Scheduled Commercial Bank) किंवा क्षेत्रीय ग्रामीण बँकेत (RRB) लिपिक किंवा अधिकारी दर्जावर किमान 1 वर्षाचा पदव्युत्तर कामाचा अनुभव असणे अनिवार्य आहे. उमेदवारांचे वय 1 जुलै 2026 रोजी 20 ते 30 वर्षांच्या दरम्यान असावे; तथापि, नियमानुसार SC/ST प्रवर्गातील उमेदवारांना 5 वर्षे तर OBC प्रवर्गातील उमेदवारांना 3 वर्षे वयोमर्यादेत सूट देण्यात आली आहे.
हे ही वाचा : कोचिंग क्लासमध्ये 10 वीच्या विद्यार्थीनीवर शिक्षकाकडून अत्याचार, दुसऱ्या शिक्षकाने काढला व्हिडिओ
अर्ज शुल्क
भरती अर्जासाठी परीक्षा शुल्क निश्चित करण्यात आले असून General, OBC आणि EWS प्रवर्गातील उमेदवारांसाठी 1180 रुपये शुल्क आहे, तर SC, ST आणि PWD उमेदवारांसाठी हे शुल्क 59 रुपये ठेवण्यात आले आहे. पात्र उमेदवारांची निवड ऑगस्ट किंवा सप्टेंबर 2026 मध्ये होणाऱ्या परीक्षेच्या माध्यमातून केली जाणार आहे. इच्छुक उमेदवारांनी सर्व अटी व शर्ती व्यवस्थित वाचूनच ऑनलाईन अर्ज सादर करावा.
हे ही वाचा : बर्थडेचं कारण सांगून तरुणीला फ्लॅटवर बोलावलं, तरुणाने संधी साधून पीडितेशी ठेवले शरीरसंबंध
अर्ज करण्याची अंतिम तारीख
या भरतीसाठी ऑनलाईन अर्ज करण्याची अंतिम तारीख 9 ऑगस्ट 2026 आहे. मुदतीनंतर आलेले अर्ज स्वीकारले जाणार नाहीत, त्यामुळे पात्र उमेदवारांनी वेळेत अधिकृत वेबसाईटला भेट देऊन आपला अर्ज भरावा. बँकिंग क्षेत्रात आधीपासून कार्यरत असलेल्या आणि करिअरमध्ये पुढील टप्पा गाठू इच्छिणाऱ्या अनुभवी उमेदवारांसाठी ही एक उत्तम संधी मानली जात आहे.