Pooja Khedkar Father : दोन वेळा निलंबन अन् लाखोंची...; पूजा खेडकरांच्या वडिलांचे 'कारनामे'
IAS Pooja Khedkar Father News : प्रशिक्षणार्थी आयएएस अधिकारी पूजा खेडकरांच्या वडिलांचे कारनामे समोर आले आहेत. लाचखोरीच्या प्रकरणात दिलीप खेडकर यांना दोन वेळा निलंबित करण्यात आले होते.
ADVERTISEMENT
बातम्या हायलाइट
पूजा खेडकरांच्या वडिलांना दोन वेळा केले गेले होते निलंबित
दिलीप खेडकरांविरोधात लाच मागितल्याच्या अनेक तक्रारी
दिलीप खेडकर यांच्याविरोधात कुणी केलेल्या आहेत तक्रारी?
Dilip Khedkar Latest news : (ओमकार वाबळे, पुणे) प्रशिक्षणार्थी आयएएस अधिकारी पूजा खेडकर या सध्या वादाच्या भोवऱ्यात सापडल्या आहेत. त्यांच्यापाठोपाठ आता त्यांचे वडील दिलीप खेडकर यांचे कारनामेही समोर आले आहेत. सेवेत असताना दिलीप खेडकर यांना दोन वेळा निलंबित करण्यात आले होते. वेगवेगळ्या लाचखोरीच्या प्रकरणात दिलीप खेडकर यांच्यावर कारवाई करण्यात आली होती.
दिलीप खेडकरांच्या सेवेची कुंडली
महाराष्ट्र नागरी सेवा (वर्तणूक) नियम १९७९ मधील नियम ३ (१), महाराष्ट्र नागरी सेवा १९७९ च्या नियम ४ मधील उपनियम १(अ), महाराष्ट्र जल (प्रदूषण प्रतिबंध आणि नियंत्रण) अधिनियम १९८३ मधील नियमानुसार तत्कालीन विभागीय अधिकारी दिलीप खेडकर यांना २४ फेब्रुवारी २०२० रोजी चौकशीच्या अधीन राहून निलंबित करण्यात आले होते.
दिलीप खेडकरांचे लाचेच प्रकरण काय?
जेव्हा दिलीप खेडकर हे मुंबई विभागीय कार्यालयात विभागीय आयुक्त म्हणून कार्यरत होते. तेव्हा 300-400 छोट्या उद्योजकांनी तक्रार दिली होती. दिलीप खेडकर मुंबई क्षेत्रातील व्यवसाय मालकांना आणि प्रतिष्ठांना त्रास देत आहेत आणि त्यांच्याकडून जबरदस्तीने पैसे वसूल करत आहेत, अशी ती तक्रार होती.
हेही वाचा >> वादग्रस्त कारकीर्द, 40 कोटींची संपत्ती... IAS पूजा खेडकरांचे वडील आहेत तरी कोण?
६ ऑक्टोबर२०१५ रोजी मुख्यमंत्र्याकडे याबद्दल तक्रार करण्यात आली होती. त्यानंतर मंडळाने या तक्रारीची दखल घेतली होती.
हे वाचलं का?
