बीचवर रशियन महिलेचा विनयभंग! दारूच्या नशेत बळजबरी करण्याचा प्रयत्न, पण शेवटी...

दारूच्या नशेत परदेशी महिलेचा विनयभंग 

या प्रकरणातील पर्यटकांना घटनास्थळीच ताकीद देऊन सोडण्यात आलं. दृष्टि मरीनने दिलेल्या माहितीनुसार, मागील आठवड्यात गोवा किनारपट्टीवर महिला पर्यटकांशी विनयभंगाचे चार प्रकार समोर आले आहेत. या घटना रोखण्यासाठी प्रयत्न सुरू आहेत. आणखी एका घटनेत तेलंगणातून आलेल्या दोन पुरुष पर्यटकांनी दारूच्या नशेत एका परदेशी महिलेला त्रास दिला. महिलेने सेल्फी घेण्यास नकार दिल्यानंतर दोघांनी बीचच्या किनाऱ्याजवळ तिच्यावर जबरदस्ती केली. आरोपानुसार, त्यापैकी एकाने महिलेच्या गळ्यात हात घालून तिचं चुंबन घेण्याचा प्रयत्न केला. 

सुमारे 70 बीच मार्शल तैनात करण्यात आले

प्रकरणाची माहिती मिळताच बीचवर तैनात लाइफसेव्हर्सनी या घटनेत हस्तक्षेप केला. दोन्ही पर्यटकांना पोलिस ठाण्यात नेण्यात आलं. पोलिसांनी त्यांच्याविरुद्ध पुढील कारवाई सुरू केली आहे. दृष्टि मरीनच्या मते, सध्या बागा, कॅलंगुट, कैंडोलिम, कोलवा आणि बेनौलिम या गोव्याच्या पाच लोकप्रिय समुद्रकिनाऱ्यांवर सुमारे 70 बीच मार्शल तैनात करण्यात आले असून महिला पर्यटकांच्या सुरक्षिततेची खात्री केली जात आहे. 

हे ही वाचा: Govt Job: राज्यात लवकरच नव्या मॉडेलअंतर्गत तब्बल 70,000 पदांची मेगाभरती! बैठकीत मुख्यमंत्र्यांची मोठी घोषणा...

दक्षिण गोव्याच्या कोलवा बीचवरही एक गंभीर प्रकार घडला. येथे कर्नाटकातून आलेल्या सात-आठ पर्यटकांच्या ग्रुपवर रशियन महिलांच्या परवानगीशिवाय फोटो आणि व्हिडिओ काढल्याचा आरोप आहे. लाइफसेव्हर्सनी तात्काळ हस्तक्षेप करून सर्व आरोपींना गोवा पोलिसांच्या ताब्यात दिलं.