काय आहे शैक्षणिक पात्रता?

या भरती प्रक्रियेत सहभागी होण्यासाठी पदांच्या आवश्यकतेनुसार शैक्षणिक पात्रता निश्चित करण्यात आली आहे. यामध्ये संबंधित शाखेतील बी.ई. (BE), बी.टेक. (B.Tech), एम.ई. (ME), एम.टेक. (M.Tech) किंवा पीएच.डी. (Ph.D) धारक उमेदवारांना अर्ज करता येईल. याशिवाय व्यवस्थापकीय आणि इतर व्यावसायिक पदांसाठी सीए (CA), एलएलएम (LLM), सीएस (CS), सीएमए (CMA) किंवा एमबीए (MBA) उत्तीर्ण असणे गरजेचे आहे. या शैक्षणिक पात्रतेसोबतच उमेदवारांकडे संबंधित कामाचा आवश्यक तो अनुभव असणे देखील बंधनकारक आहे.

हे ही वाचा : सोलापूर : 53 वर्षीय मौलानाने मदरशात 10 वर्षीय मुलीसोबत..., भयंकर प्रकरण!

नोकरीचे ठिकाण

वयोमर्यादेचा विचार केला तर 20 जून 2026 रोजी उमेदवारांचे वय पदांच्या आवश्यकतेनुसार असावे. यामध्ये नियमानुसार राखीव प्रवर्गातील उमेदवारांना वयात सवलत देण्यात आली असून, अनुसूचित जाती आणि अनुसूचित जमाती (SC/ST) प्रवर्गातील उमेदवारांना 5 वर्षे तर इतर मागासवर्गीय (OBC) उमेदवारांना 3 वर्षे सूट मिळणार आहे. या पदांवर निवड होणाऱ्या उमेदवारांना संपूर्ण भारतात कुठेही नियुक्ती दिली जाऊ शकते, म्हणजेच हे नोकरीचे ठिकाण संपूर्ण भारतभर असणार आहे.

हे ही वाचा : संभाजीनगर : 25 वर्षीय तरुणाने 80 वर्षीय वृद्ध महिलेवर केला बलात्कार, पुढे..

अर्ज करण्यासाठी शुल्क नाही

या भरतीचे सर्वात मोठे वैशिष्ट्य म्हणजे उमेदवारांकडून कोणत्याही प्रकारचे परीक्षा शुल्क किंवा अर्ज फी घेतली जाणार नाही. इच्छुक उमेदवारांना सी-डॅकच्या अधिकृत संकेतस्थळावर जाऊन ऑनलाईन पद्धतीने अर्ज सादर करावा लागेल. ऑनलाईन अर्ज करण्याची अंतिम तारीख 20 जून असून, त्यानंतर येणारे अर्ज स्वीकारले जाणार नाहीत. या भरतीसाठीची लेखी परीक्षा किंवा मुलाखतीचे वेळापत्रक प्रशासनाकडून नंतर स्वतंत्रपणे जाहीर केले जाईल, त्यामुळे पात्र उमेदवारांनी वेळेत आपले अर्ज सादर करण्याचे आवाहन करण्यात आले आहे.