कल्याण : 7 वर्षांचा खुशील अंगणात खेळत होता, भटका कुत्रा चावल्याने जीव गेला, वाचवण्यासाठी आलेल्या मित्रालाही...
Kalyan News : अधिकाऱ्यांच्या माहितीनुसार, खुशील घराजवळ खेळत असताना एका भटक्या कुत्र्याने त्याच्यावर हल्ला करून चावा घेतला. त्याच्या आरडाओरडीनंतर त्याचा सात वर्षीय मित्र निलेश बागले त्याला वाचवण्यासाठी धावला. मात्र त्या कुत्र्याने निलेशलाही चावा घेतला.
ADVERTISEMENT
बातम्या हायलाइट
कल्याण : 7 वर्षांचा खुशील अंगणात खेळत होता,
भटका कुत्रा चावल्याने जीव गेला, वाचवण्यासाठी आलेल्या मित्रालाही...
Kalyan News, कल्याण : कल्याणजवळील मोहने-गाळेगाव परिसरात भटक्या कुत्र्याच्या हल्ल्यात सात वर्षांच्या मुलाचा मृत्यू झालाय. दरम्यान, त्याला वाचवण्यासाठी धावलेल्या त्याच्या मित्रालाही भटक्या कुत्र्यांनी चावा घेतल्याची हृदयद्रावक घटना गुरुवारी दुपारी घडली. या घटनेमुळे परिसरात भटक्या कुत्र्यांच्या वाढत्या त्रासाबाबत पुन्हा एकदा संताप व्यक्त होत आहे. मृत मुलाचे नाव खुशील शंकर वाघे असे असून तो परिसरातील कातकरी पाड्यात आपल्या कुटुंबासोबत राहत होता.
अधिकाऱ्यांच्या माहितीनुसार, खुशील घराजवळ खेळत असताना एका भटक्या कुत्र्याने त्याच्यावर हल्ला करून चावा घेतला. त्याच्या आरडाओरडीनंतर त्याचा सात वर्षीय मित्र निलेश बागले त्याला वाचवण्यासाठी धावला. मात्र त्या कुत्र्याने निलेशलाही चावा घेतला. दोन्ही मुलांना तातडीने उपचारासाठी रुग्णालयात दाखल करण्यात आले. उपचारादरम्यान खुशीलचा मृत्यू झाला, तर निलेशवर कळवा येथील छत्रपती शिवाजी महाराज रुग्णालयात उपचार सुरू असून त्याची प्रकृती स्थिर असल्याची माहिती मिळाली आहे.
खुशीलचे आई-वडील मजुरी करून कुटुंबाचा उदरनिर्वाह करतात. त्यांच्या मुलाच्या मृत्यूमुळे परिसरात शोककळा पसरली असून नागरिकांमध्ये भीतीचे वातावरण आहे. स्थानिकांच्या मते, या भागात भटक्या कुत्र्यांचे प्रमाण वाढले असून वारंवार हल्ल्याच्या घटना घडत आहेत.
हे वाचलं का?
