अंगावर गाडी घालून चिरडले

मिळालेल्या माहितीनुसार, जाधव दाम्पत्य कर्नाटकातील गाणगापूर येथे दर्शनासाठी जात होते. कलबुर्गी परिसरातून जात असताना त्यांच्यात कोणत्यातरी कारणावरून जोरदार भांडण झाले. हा वाद इतका विकोपाला गेला की, अक्षयने रागाच्या भरात शैला यांना कारमधून बाहेर ओढले आणि त्यांना बेदम मारहाण करण्यास सुरुवात केली. त्यानंतर त्याने धारदार शस्त्राने स्वतःच्या पत्नीचा गळा चिरला आणि क्रूरतेचा कळस गाठत रक्ताच्या थारोळ्यात पडलेल्या पत्नीच्या अंगावर गाडी घालून त्यांना चिरडले.

हे ही वाचा : नागपूर : रेल्वे रुग्णालयात लोको पायलटने गळफास घेत संपवलं जीवन, कर्मचाऱ्यांमध्ये भीतीचं वातावरण

व्हिडिओ सोशल मीडियावर व्हायरल

या हृदयद्रावक घटनेचा एक व्हिडिओ सध्या सोशल मीडियावर मोठ्या प्रमाणावर व्हायरल होत आहे. धक्कादायक बाब म्हणजे, जेव्हा आरोपी आपली पत्नीवर जीवघेणा हल्ला करत होता आणि ती मदतीसाठी टाहो फोडत होती, तेव्हा तिथे उपस्थित असलेले नागरिक वाचवायला येण्याऐवजी या घटनेचे व्हिडिओ शूट करण्यात व्यस्त होते. बघ्यांच्या या असंवेदनशीलतेमुळे पीडितेला वेळीच मदत मिळू शकली नाही आणि तिचा जागीच मृत्यू झाला.