केरळमध्ये मान्सूनचे आगमन; महाराष्ट्रात कधी दाखल होणार?
monsoon arrives in kerala : केरळमध्ये अखेर 4 जून रोजी मान्सूनचे आगमन झाले असून हवामान खात्याने याची अधिकृत घोषणा केली आहे. आता पुढील काही दिवसांत मान्सून कोकण, गोवा आणि महाराष्ट्राच्या दिशेने सरकण्याची शक्यता वर्तवण्यात आली आहे.
ADVERTISEMENT
बातम्या हायलाइट
केरळमध्ये मान्सूनचे आगमन
महाराष्ट्रात कधी दाखल होणार?
monsoon arrives in kerala : केरळमध्ये मान्सून कधी दाखल होणार? याकडे संपूर्ण देशाचे लक्ष लागले होते. अखेर या प्रतीक्षेला पूर्णविराम मिळाला असून हवामान खात्याने केरळमध्ये नैऋत्य मान्सूनचे आगमन झाल्याची अधिकृत घोषणा केली आहे. सुरुवातीला 26 मे रोजी मान्सून केरळमध्ये दाखल होईल असा अंदाज वर्तवण्यात आला होता. त्यानंतर 1 किंवा 2 जूनपर्यंत मान्सून येण्याची शक्यता व्यक्त केली जात होती. मात्र अपेक्षेपेक्षा काहीसा उशीर झाल्यानंतर अखेर 4 जून रोजी मान्सून केरळमध्ये दाखल झाला आहे. त्यामुळे आता मान्सूनची पुढील वाटचाल कशी राहणार आणि महाराष्ट्रात तो कधी पोहोचणार याबाबत उत्सुकता वाढली आहे.
हेही वाचा : Monsoon Update: 10 जिल्ह्यांमध्ये तुफान पाऊस बरसणार.. मान्सूनची दमदार हजेरी, थोड्याच वेळात कोसळधार!
केरळमध्ये मान्सूनचे आगमन
सध्या बंगालच्या उपसागरात आणि अरबी समुद्रात मान्सूनच्या पुढील प्रवासासाठी अनुकूल परिस्थिती निर्माण झाल्याचे दिसून येत आहे. बंगालच्या उपसागरात कमी दाबाचे क्षेत्र तयार झाले असून त्यामुळे मान्सूनला पुढे सरकण्यासाठी मदत मिळत आहे. त्याचबरोबर अरबी समुद्रात मोसमी वाऱ्यांची हालचाल आणि आर्द्रतेचे प्रमाण वाढलेले दिसत आहे. या दोन्ही घटकांमुळे मान्सूनच्या प्रगतीला गती मिळण्याची शक्यता आहे. हवामान खात्याच्या माहितीनुसार, याच वातावरणीय परिस्थितीमुळे महाराष्ट्रातील काही भागांमध्ये मान्सूनपूर्व पावसालाही पोषक वातावरण तयार झाले आहे.
हेही वाचा : Personal Finance: 'ही' कागदपत्रं नसतील तर चुकूनही घेऊ नका ती जमीन, नाहीतर…
