नाशिक : लिफ्टमध्ये अल्पवयीन मुलीला पाहाताच 36 वर्षीय तरुणातील राक्षस जागा, लाईट बंद केली अन्...
Nashik Crime : नाशिक : लिफ्टमध्ये अल्पवयीन मुलीला पाहाताच 36 वर्षीय तरुणातील राक्षस जागा, लाईट बंद केली अन्...
ADVERTISEMENT
बातम्या हायलाइट
लिफ्टमध्ये अल्पवयीन मुलीला पाहाताच 36 वर्षीय तरुणातील राक्षस जागा,
लाईट बंद केली अन्... नाशिकमधील घटना
Nashik Crime : नाशिकमध्ये एका अपार्टमेंटमधील लिफ्टमध्ये अल्पवयीन मुलीचा विनयभंग झाल्याची संतापजनक घटना पुढे आली आहे. वाहनतळात भाऊ आणि मैत्रिणीसोबत खेळायला जाण्यासाठी 15 वर्षांची मुलगी लिफ्टमध्ये चढली. मात्र, त्याच वेळी लिफ्टमध्ये आधीपासून उपस्थित असलेल्या एका इसमाने अंधाराचा फायदा घेत तिच्यावर गैरवर्तणुकीचा प्रयत्न केल्याचे उघड झाले आहे.
अपार्टमेंटच्या लिफ्टमध्ये घडला प्रकार
पोलिसांनी दिलेल्या माहितीनुसार, रविवारच्या सायंकाळी पीडित मुलगी नेहमीप्रमाणे भाऊ व मैत्रिणीसोबत खाली जात होती. अपार्टमेंटच्या लिफ्टमध्ये पोहोचताच तिथे 36 वर्षीय दीपक पाथरकर हा व्यक्ती आधीपासून उभा होता. लिफ्ट सुरू झाल्यानंतर त्याने अचानक लिफ्टमधील लाईट बंद केली. काही क्षणातच त्याने मुलीकडे अयोग्य पद्धतीने हात करण्याचा प्रयत्न केला. अंधारात घडलेल्या या प्रकारामुळे मुलगी घाबरून गेली आणि तिने तात्काळ लिफ्टमधून बाहेर पडत आईला संपूर्ण घटना सांगितली.
हेही वाचा : उपसरपंचाने दारात आयुष्य संपवल्यानंतर अटक झाली, पण आता नर्तिका पूजा गायकवाडला बार्शी सत्र न्यायालयाकडून जामीन
धक्कादायक म्हणजे, लिफ्टमधील दिवा बंद करून परिस्थिती निर्माण केली जाणे हा जाणीवपूर्वक प्रकार असल्याचे स्पष्ट झाल्यावर पीडितेच्या कुटुंबीयांनी संताप व्यक्त केला. मुलीकडून माहिती मिळताच तिच्या आईने थेट सातपूर पोलिस ठाण्यात धाव घेत आरोपीविरोधात तक्रार नोंदवली. पोलिसांनी तत्काळ तपास सुरू करत संबंधित सीसीटीव्ही फुटेज गोळा करण्याचे काम हाती घेतले आहे.
हे वाचलं का?
