बीड : चिमुरडीवर अत्याचार, गावकऱ्यांच्या दबावामुळे कुटुंबाने 4 दिवस उपचारासाठी नेलं नाही, मृत्यूशी झुंज सुरुच
Beed Crime : बीड : चिमुरडीवर अत्याचार, गावकऱ्यांच्या दबावामुळे कुटुंबाने चार दिवस उपचारासाठी नेलं नाही, मृत्यूशी झुंज सुरुच
ADVERTISEMENT
बातम्या हायलाइट
बीडमध्ये साडेपाच वर्षांच्या चिमुरडीवर अत्याचार
गावकऱ्यांच्या दबावामुळे कुटुंबाने चार दिवस उपचारासाठी नेलं नाही
मृत्यूशी झुंज सुरुच
Beed Crime : महाराष्ट्रात मालेगाव येथील निर्घृण अत्याचार प्रकरणामुळे संताप व्यक्त केला जात असतानाच बीड जिल्ह्यात आणखी एक मन सुन्न करणारी घटना समोर आली आहे. शिरुर कासार तालुक्यातील एका गावात अवघ्या साडेपाच वर्षांच्या बालिकेवर तिच्याच नात्यातील मुलाने लैंगिक अत्याचार केल्याचे धक्कादायक वास्तव उघड झाले आहे. सध्या पीडित मुलगी बीडच्या जिल्हा रुग्णालयातील अतिदक्षता विभागात जीवासाठी झुंज देत आहे.
ही अमानवी घटना 7 नोव्हेंबर रोजी घडल्याचे समजते. अत्याचारानंतर चिमुरडी सतत वेदनांनी व्याकुळ होत असतानाही गावात पूर्णपणे असंवेदनशीलता दिसून आली. पीडितेला तातडीची वैद्यकीय मदत मिळण्याची गरज असताना गावकऱ्यांनी सलग बैठका घेत मुलीला रुग्णालयात नेऊ दिले नाही, ही बाब अत्यंत संतापजनक ठरली आहे.
हेही वाचा : उपसरपंचाने दारात आयुष्य संपवल्यानंतर अटक झाली, पण आता नर्तिका पूजा गायकवाडला बार्शी सत्र न्यायालयाकडून जामीन
कुटुंबीयांवर गावातील प्रभावी व्यक्तींकडून मोठा दबाव आणला जात होता. भीतीपोटी पीडितेला उपचारासाठी न्यायला कुटुंबीय धजावत नव्हते. त्या काळात मुलीची प्रकृती अधिकच गंभीर होत गेली. शेवटी, परिस्थिती हाताबाहेर जाऊ लागल्याने 13 नोव्हेंबरला मुलीच्या नात्यातील एका व्यक्तीने शिरुर कासार पोलिस ठाण्यात धाव घेऊन तक्रार नोंदवली. तक्रार मिळताच पोलिसांनी तातडीने हालचाल करून गुन्हा दाखल केला असून आरोपीच्या शोधासाठी पथक नियुक्त करण्यात आले आहे. घटनेनंतर संपूर्ण परिसरात भीतीचं आणि रोषाचं वातावरण निर्माण झालं आहे. बालिकेची अवस्था पाहून गावातील अनेक महिलांनी प्रशासनाने कठोर कारवाई करावी, अशी मागणी केली आहे.
हे वाचलं का?
