Govt Job: 'बँक ऑफ बडोदा'मध्ये 'या' पदांसाठी निघाली मोठी भरती! लाखोंचा पगार अन्... लवकरच करा अप्लाय
बँक ऑफ बडोदा (BOB) कडून वेगवेगळ्या विभांगांसाठी मॅनेजर, सीनिअर मॅनेजर पदांच्या रिक्त जागांसाठी भरती जाहीर करण्यात आली आहे.
ADVERTISEMENT
बातम्या हायलाइट
'बँक ऑफ बडोदा'मध्ये 'या' पदांसाठी निघाली मोठी भरती!
काय आहे अर्ज करण्याची शेवटची तारीख?
Bank of Baroda Recruitment 2025: बँकेत सीनिअर पदांवर नोकरीची स्वप्न पाहाणाऱ्या तरुणांसाठी मोठी संधी उपलब्ध झाली आहे. नुकतंच, बँक ऑफ बडोदा (BOB) कडून वेगवेगळ्या विभांगांसाठी मॅनेजर, सीनिअर मॅनेजर पदांच्या रिक्त जागांसाठी भरती जाहीर करण्यात आली आहे. या भरतीचं नोटिफिकेशन जाहीर झालं असून उमेदवार अधिकृत वेबसाइटला भेट देऊन भरतीची माहिती तपासू शकतात. या भरतीसाठी 19 सप्टेंबर रोजी अर्ज भरण्यास सुरूवात झाली असून उमेदवार bankofbaroda.bank.in अधिकृत वेबसाइटला भेट देऊन 9 ऑक्टोबर 2025 पर्यंत अर्ज करू शकतात.
वयोमर्यादा
बँक ऑप बडोदाच्या या भरतीच्या माध्यमातून बँकेत 'कॉर्पोरेट अकाउंट अॅण्ड टॅक्सेशन' आणि 'ट्रेड अॅण्ड फॉरेक्स' डिपार्टमेन्टमध्ये उमेदवारांची नियुक्ती केली जाईल. या भरतीमध्ये सहभागी होण्यासाठी उमेदवारांचं किमान वय 29 वर्षे आणि कमाल वय 40 वर्षे अशी वयोमर्यादा निश्चित करण्यात आली आहे. तसेच, सरकारी नियमांनुसार, राखीव प्रवर्गातील उमेदवारांना उच्च वयोमर्यादेत सूट देण्यात येईल.
काय आहे पात्रता?
'चीफ मॅनेजर इनवेस्टर रिलेशन' पदावर नियुक्त होण्यासाठी उमेदवारांकडे कोणत्याही मान्यताप्राप्त विद्यापीठातून इकोनॉमिक्स म्हणजेच अर्थशास्त्र किंवा कॉमर्समध्ये ग्रॅज्युएशनची डिग्री असणं अनिवार्य आहे. तसेच, भरतीसाठी अर्ज करण्यासाठी उमेदवारांकडे बँकिंग सेक्टरमध्ये किमान 8 वर्षांचा अनुभव गरजेचा आहे. ट्रेड फायनान्स ऑपरेशन, फॉरेक्स रिलेशनशिप मॅनेजर पदांसाठी अर्ज करण्यासाठी उमेदवारांनी कोणत्याही विषयातून ग्रॅज्युएशन उत्तीर्ण असणं आवश्यक आहे. यासोबतच, किमान 2 वर्षांचा कामाचा अनुभव देखील ग्राह्य धरला जाईल. तसेच, सीनिअर मॅनेजर फॉरेक्स पदांसाठी ग्रॅज्युएशनची डिग्री असण्यासोबतच 5 वर्षांचा कामाचा अनुभव गरजेचा आहे. या भरतीच्या पात्रतेसंबंधी अधिक माहिती जाणून घेण्यासाठी उमेदवार बँकेच्या अधिकृत वेबसाइटवर जाऊन भरतीचं नोटिफिकेशन चेक करू शकतात.
हे ही वाचा: आईचं चिमुकल्यासोबत निर्घृण कृत्य! एका वर्षाच्या मुलाला पूलावरून खाली नदीत... अमरावतीत घडली भयानक घटना
वेतन
पदांनुसार, उमेदवारांसाठी वेतन निश्चित करण्यात आलं असून या भरतीमध्ये नियुक्त झालेल्या उमेदवारांना 64,820 ते 1,20,940 रुपयांपर्यंत वेतन दिलं जाईल.
हे वाचलं का?
