Govt Job: तरुणांना मंत्रिमंडळ सचिवालयात नोकरीची संधी! कोणत्याही परीक्षेशिवाय होणार थेट भरती...
मंत्रिमंडळ (कॅबिनेट) सचिवालयाकडून डेप्यूटी फील्ड ऑफिसर (DFO) पदासाठी भरती जाहीर करण्यात आली आहे.
ADVERTISEMENT
बातम्या हायलाइट
तरुणांना मंत्रिमंडळ सचिवालयात नोकरीची संधी!
कोणत्याही परीक्षेशिवाय होणार थेट भरती...
Govt Job: मोठ्या पदावरील सरकारी नोकरी मिळवण्याच्या प्रयत्नात असणाऱ्या तरुणांसाठी भारत सरकारच्या नव्या भरतीची बातमी समोर आली आहे. मंत्रिमंडळ (कॅबिनेट) सचिवालयाकडून डेप्यूटी फील्ड ऑफिसर (DFO) पदासाठी भरती जाहीर करण्यात आली आहे. या भरतीसाठी ऑनलाइन अर्ज करण्याची प्रक्रिया सुरू झाली असून यासाठी इच्छुक आणि पात्र उमेदवार cabsec.gov.in या अधिकृत वेबसाइटवर जाऊन 14 डिसेंबर 2025 पर्यंत अर्ज करू शकतात.
ही डेप्यूटी फील्ड ऑफिसर पदाच्या या जागा कंप्यूटर सायन्स/ माहिती तंत्रज्ञान/ डेटा सायन्स/ सिव्हिल इंजीनिअरिंग/ मॅकेनिकल इंजीनिअरिंग/ भौतिकशास्त्र (फिजिक्स) यासारख्या क्षेत्रात भरल्या जाणार आहे. या भरतीअंतर्गत 250 पदे भरली जातील.
काय आहे पात्रता?
या भरतीमध्ये सहभागी होण्यासाठी उमेदवारांकडे कोणत्याही मान्यताप्राप्त संस्थेतून इंजीनिअरिंग किंवा टेक्नॉलॉजी विषयात बॅचलर्स किंवा मास्टर्स डिग्री असणं आवश्यक आहे. यासोबतच, उमेदवाराकडे ज्या क्षेत्रात ही भरती निघाली आहे त्या विषयांसह गेट परीक्षा उत्तीर्ण असणं आणि त्याचं व्हॅलिड स्कोअरकार्ड असणं अनिवार्य आहे. तसेच, या भरतीमध्ये सहभागी होण्यासाठी उमेदवारांसाठी 30 वर्षे कमाल वयोमर्यादा निश्चित ठेवण्यात आली आहे. तसेच, राखीव प्रवर्गातील उमेदवारांनी सरकारी नियमांनुसार उच्च वयोमर्यादेत सूट देण्यात येईल.
हे ही वाचा: मुंबई: 76 वर्षीय आईला बेन स्ट्रोक, डॉक्टरांकडे नेलं, पण बिलाची रक्कम ऐकून रुग्णालयाकडे फिरकलाच नाही, शेवटी...
कसा कराल अर्ज?
1. या भरतीमध्ये सहभागी होण्यासाठी उमेदवारांना ऑफलाइन अर्ज भरावं लागेल. यासाठी अधिकृत नोटिफिकेशनमधून अॅप्लिकेशन फॉर्मचा फॉर्मेट डाउनलोड करावा लागेल.
2. यानंतर, त्याची प्रिंटआउट काढून घ्या.
3. दिलेल्या फॉर्मेटमध्ये सर्व आवश्यक माहिती भरा.
4. आता, योग्य ठिकाणी पासपोर्ट साइज फोटो चिकटवा आणि आवश्यक डॉक्यमेंटसह अटॅच करून सचिवालयाच्या पत्त्यावर स्पीट पोस्टच्या माध्यमातून पाठवा.
हे वाचलं का?
