चोरट्याला फुटला पाझर, 9 लाखांचं सोनं पुन्हा घरासमोर ठेवलं आणून; अन् म्हणाला…
पालघरमध्ये पोलिसांच्या भावनिक आवाहनानंतर एका व्यक्तीने चोरी केलेलं सोनं हे परत आणून दिल्याची अत्यंत दुर्मिळ अशी घटना घडली आहे. जाणून घ्या नेमकं प्रकरण काय आहे.
ADVERTISEMENT
Palghar Crime Story: महम्मद हुसैन, पालघर: घरफोडी करून तब्बल 9 लाखांपेक्षा अधिक किंमतीचे चोरी केलेलं सोनं (Gold) चक्क चोरट्याने (thief) परत केल्याची आश्चर्यकारक घटना पालघरमधील (Palghar) केळवेमध्ये घडली आहे. चोरी केल्याची भावना चोरच्या मनाला बोचली आणि त्याला पाझर फुटला. ज्यानंतर त्याने चक्क चिठ्ठी लिहून माफी मागत चोरलेलं सोनं परत केल्याचं समोर आलं आहे. ‘माझ्याकडून अनावधानाने चूक झाली असून मला माफ करा.’ अशी चिठ्ठी लिहून या आरोपीने फिर्यादी महिलेच्या माहेरच्या घराच्या ओट्यावर चोरलेलं सोनं आणि चिठ्ठी आणून ठेवत फिर्यादींची चक्क माफी मागितली आहे. (palghar theft thief returned stolen gold police emotional appeal intresting story)
खरं तर हा संपूर्ण प्रकार काहीसा अचंबित करणारा असला तरी पोलिसांच्या जनसंवाद अभियानाच हे यश असल्याचं पालघर पोलिसांकडून सांगण्यात येत आहे. मात्र या संपूर्ण घटनेची सध्या जिल्ह्यात जोरदार चर्चा सुरू आहे.
चोराच्या मनाला कसा फुटला पाझर?
पालघर मधील केळवे येथील मांगेला वाडीत तांडेल दांपत्य मागील अनेक वर्षांपासून राहतात. 60 वर्षीय प्रतीक्षा तांडेल या गृहिणी असून त्यांचे पती ठकसेन तांडेल हे एका बँकेतील निवृत्त कर्मचारी आहेत. 31 मे रोजी तांडेल दाम्पत्यांच्या घरी त्यांच्या लग्न केलेल्या मुली माहेरी आल्या होत्या. रात्रीचं जेवण करून हे सर्व कुटुंबीय घराचा दरवाजा बंद करून शतपावलीसाठी समुद्रकिनाऱ्यावर गेले होते.
मात्र, घरी परतताच आपल्या घरात काहीतरी विपरीत घडल्याचं तांडेल दांपत्याला लक्षात आलं. त्यावेळी त्यांनी कपाट उघडून पाहिलं तेव्हा त्यांना कपाटातील तब्बल 15 तोळं सोनं चोरीला गेलं असल्याचं समजलं. हे पाहून तांडेल दांपत्याच्या पायाखालची जमीनच सरकली.
हे वाचलं का?
