Petrol Pump Scam: सावधान! पेट्रोल पंपावर होणारी फसवणूक अशी टाळा; 'इथे' चुकलात तर बसेल मोठा फटका
Petrol Pump Scam : पेट्रोल-डिझेलच्या किंमतीत सतत वाढ होत आहे. याचदरम्यान अनेकदा पेट्रोल पंपावर फसवणुकीचे (Petrol Pump Scam) प्रकारही समोर येत असतात
ADVERTISEMENT
बातम्या हायलाइट
पेट्रोल पंपावर होणारी फसवणूक कशी टाळावी?
'ती' एक चूक अन् खिशाला फटका, कसं ते जाणून घ्या....
घनता इंधनाची शुद्धता दर्शवते
Petrol Pump Scam : पेट्रोल-डिझेलच्या किंमतीत सतत वाढ होत आहे. याचदरम्यान अनेकदा पेट्रोल पंपावर फसवणुकीचे (Petrol Pump Scam) प्रकारही समोर येत असतात. जेव्हा तुम्ही पेट्रोल पंप कर्मचाऱ्याला तुमच्या कारमध्ये पेट्रोल किंवा डिझेल भरण्यास सांगता, तेव्हा तो तुम्हाला इंधन भरण्यापूर्वी मीटरमध्ये शून्य तपासण्यास सांगतो आणि तुम्ही या शून्यावर लक्ष ठेवता आणि नंतर 0.00 पाहून तुम्ही समाधानी होता. पेट्रोलपंप मालकांकडून फसवणूक केली जात नाहीये हे सुनिश्चित करण्यासाठी हा शून्य पाहण्यास सांगितलं जातं. अर्थात इंधन भरण्यास सुरुवात करण्याआधी हा शून्य पाहणं फार महत्त्वाचं असतं. (Petrol Pump Scam not only zero keep your eyes also on density meter while buying-petrol diesel)
अनेकदा आपलं लक्ष हे किती इंधन भरलं जात आहे याकडे आणि त्याची किंमत किती होते याकडे असतं. पण, सांगितलंय तेवढ्या किंमतीचच पेट्रोल भरलं असणार असं केवळ त्या शून्याच्या आधारे मानून ग्राहक पंपावरु निघून जातात. मात्र अशावेळी तुमची फसवणूकही होऊ शकते. कशी ते जाणून घेऊया.
पेट्रोल पंपावर होणारी फसवणूक कशी टाळावी?
पेट्रोल पंपावर होणारा हा खेळ खरं तर तुमच्या वाहनात टाकल्या जाणाऱ्या पेट्रोल-डिझेलच्या शुद्धतेशी संबंधित आहे. त्यात फेरफार करून तुमची फसवणूक होऊ शकते. तुमच्या लक्षात आले असेल की पेट्रोल पंपाच्या मशीन्सच्या वेगवेगळ्या सेक्शनमध्ये तुम्ही किती पेट्रोल भरले आणि किती प्रमाणात पेट्रोल भरले याची आकडेवारी पाहू शकता. या गोष्टींशिवाय, मशीनमध्ये आणखी एक स्क्रीन आहे, जी इंधनाची घनता (पेट्रोल-डिझेल घनता) दर्शवते आणि हे मीटर थेट तुमच्या वाहनात टाकलेल्या पेट्रोल किंवा डिझेलशी जोडलेले असते. अशा स्थितीत शून्यावर लक्ष ठेवण्यासोबतच इथेही लक्ष देणं खूप गरजेचं आहे.
हेही वाचा : Cheteshwar Pujara : ज्या संघासाठी जीव तोडून खेळला, त्यांनीच दाखवला बाहेरचा रस्ता
'ती' एक चूक अन् खिशाला फटका, कसं ते जाणून घ्या....
पेट्रोल पंपावरील होणाऱ्या या घोटाळ्याकडे पाहायचं झालं तर, या व्यवसायातील अनियमितता ग्राहकांच्या लक्षातच येत नाही. पेट्रोल भरणारा अटेंडंटसुद्धा तुम्हाला घनता (Density) दाखवणारा विभाग बघायला सांगणार नाही. पण जर तुम्ही या मीटरवर लक्ष ठेवलं तर तुम्ही तुमच्या खिशाला कात्री बसण्यापासून वाचू शकता. कारण या मीटरने पेट्रोल आणि डिझेलमधील भेसळ शोधली जाऊ शकते.
हे वाचलं का?
