सोलापूर : बेघर महिलेने 3 वर्षांच्या बाळाला गोव्यात नेऊन विकले, आता DNA टेस्ट होणार, रक्ताचे नमुनेही घेतले

ही कारवाई काणकोण पोलिस ठाण्यात नोंदवलेल्या प्रकरणानंतर सुरू झाली. गोव्यात एका अज्ञात महिलेच्या ताब्यात तीन वर्षांचा मुलगा आढळला होता. त्याच्या संगोपनाबाबत कोणतीही अधिकृत परवानगी नसल्याने पोलिसांनी चौकशी सुरू केली. पोलिसांनी विचारपूस केली असता त्या चिमुरड्याने आपण पूर्वी सोलापुरात राहत असल्याचे सांगितले. यानंतर तपासाचा धागा सोलापूरकडे वळला.

हेही वाचा : Personal Finance: RBI च्या रेपो दर कपातीमुळे म्युच्युअल फंडमध्ये प्रचंड मोठी संधी, कोणत्या फंड मिळेल जबरदस्त परतावा?

मुलाशी संबंधित माहिती गोळा करताना पोलिसांना कळाले की, हा मुलगा ज्या महिलेसोबत होता, ती सोलापूरमध्ये दिसल्याची शक्यता आहे. त्या पार्श्वभूमीवर गोवा पोलिसांचे पथक शुक्रवारी सोलापुरात दाखल झाले. स्थानिक पोलीस हवालदार अभिजित वामने यांच्या मदतीने शोधमोहीम सुरू करण्यात आली. काही तासांच्या शोधानंतर दत्त चौक परिसरात ती महिला आढळून आली.