जगातील सर्वात मोठी चोरी! तब्बल 40 अब्ज रुपयांच्या सामानाची चोरी, 'इतक्या' कोटी डॉलर्सचं बक्षीस अन्...
1990 मध्ये बोस्टन येथील Isabella Stewart Gardner Museum मध्ये 13 मौल्यवान कलाकृतींची चोरी झाली होती. आज सुद्धा या चोरी झालेल्या कलाकृतींबाबत कोणताच पुरावा हाती लागला नाही. या प्रकरणासंदर्भात सविस्तर जाणून घेऊया.
ADVERTISEMENT
बातम्या हायलाइट
जगातील सर्वात मोठी चोरी कधी झाली?
तब्बल 40 अब्ज रुपयांच्या सामानाची चोरी!
'इतक्या' कोटी डॉलर्सचं बक्षीस अन्...
Viral News: 18 मार्च 1990 रोजी बोस्टन येथील इसाबेला स्टीवर्ट गार्डनर म्यूझियम मध्ये झालेल्या चोरीमुळे अमेरिकेसह संपूर्ण जग हादरून गेलं होतं. 1990 मध्ये बोस्टन येथील Isabella Stewart Gardner Museum मध्ये 13 मौल्यवान कलाकृतींची चोरी झाली होती. ही घटना केवळ एक सामान्य चोरी नव्हे तर हे प्रकरण अमेरिकेच्या इतिहासातील सर्वात मोठी कला चोरी आणि मालमत्ता गुन्हे (property crime) अंतर्गत दाखल करण्यात आला आहे. आज सुद्धा या चोरी झालेल्या कलाकृतींबाबत कोणताच पुरावा हाती लागला नाही. या प्रकरणासंदर्भात सविस्तर जाणून घेऊया.
18 मार्च 1990 रोजी मध्यरात्री दोन लोक पोलिसांची वर्दी घालून संग्रहालयाच्या दरवाजाजवळ पोहोचले. आरोपींनी एका गुन्ह्याचा तपास करण्यासाठी आल्याचं तिथे ड्यूटीवर तैनात असलेल्या सिक्योरिटी गार्ड्सना सांगितलं. गार्ड्सनी सुद्धा कोणतीही शंका न बाळगता संग्रहालयाचा दरवाजा उघडला आणि तीच त्यांची मोठी चूक ठरली.
अब्ज डॉलर्सच्या कलाकृतींची चोरी...
आत येताच बनावट पोलीस कर्मचाऱ्यांनी गार्ड्सना हातकड्या घालून बेसमेन्टमध्ये बंदिस्त केलं. त्यानंतर ते संग्रहालयात आरामात फिरत होते. पुढील 81 मिनिटे दोन्ही चोर संग्रहालयात फिरत होते आणि तिथले मौल्यवान पेन्टिंग्स आणि कलाकृती खाली उतरवत होते. अशा पद्धतीने त्यांनी एकूण 13 कलाकृती चोरल्या, ज्यांची किंमत आज सुद्धा अब्जावधी डॉलर्स असल्याचा अंदाज आहे. यामध्ये जगातील प्रसिद्ध कलाकरांच्या कलाकृतींचा समावेश आहे.
- डच कलाकार रेम्ब्रांटची The Storm on the Sea of Galilee (त्यांची एकमेव समुद्री दृश्याचं पेन्टिंग)
- रेम्ब्रांट यांची A Lady and Gentleman in Black
- कलाकार वर्मी यांची The Concert (चोरी झालेली जगातील सर्वात महागडी पेन्टिंग)
- डिगा यांच्या काही कलाकृती
- मानेट यांची Chez Tortoni कलाकृती
- अशा इतर मौल्यवान कृलाकृती
आश्चर्याची बाब म्हणजे संग्रहालयात इतर महागड्या कलाकृती असून देखील चोरांनी अशा काही मोजक्याच कलाकृती चोरण्यासाठी निवडल्या. सकाळी स्टाफने सगळ्या गार्ड्सना बेसमेंटमध्ये बंदिस्त अवस्थेत पाहिलं, तेव्हा या चोरीचा खुलासा झाला. एफबीआय आणि स्थानिक पोलिसांनी तातडीने या प्रकरणाचा तपास सुरू केला. प्राथमिक तपासावरून हे काम एका संघटित गँगचं असून, त्यांना संग्रहालयाच्या सुरक्षा व्यवस्था आणि अंतर्गत नकाशाची माहिती असल्याचं समोर आलं.
हे वाचलं का?
