शाळकरी मुलीसमोरच वडिलांची धारदार शस्त्राचे वार करून हत्या, बारामतीतली धक्कादायक घटना
महाराष्ट्रातल्या बारामतीमध्ये एक धक्कादायक घटना घडली आहे. एका शाळकरी मुलीसमोर तिच्या वडिलांना ठार मारण्यात आलं आहे. बारामतीतल्या शाळेत एका विद्यार्थिनीला घेण्यासाठी तिचे वडील आले होते. त्यावेळी तिच्या वडिलांची त्या शाळकरी मुलीच्या डोळ्यांदेखत हत्या करण्यात आली. या मुलीच्या वडिलांवर धारदार शस्त्राचे वार करण्यात आले. त्यानंतर हे अज्ञात हल्लेखोर येथून पळून गेले. प्रेमसंबंधातून काढला मुलीच्या वडिलांचा काटा; […]
ADVERTISEMENT
महाराष्ट्रातल्या बारामतीमध्ये एक धक्कादायक घटना घडली आहे. एका शाळकरी मुलीसमोर तिच्या वडिलांना ठार मारण्यात आलं आहे. बारामतीतल्या शाळेत एका विद्यार्थिनीला घेण्यासाठी तिचे वडील आले होते. त्यावेळी तिच्या वडिलांची त्या शाळकरी मुलीच्या डोळ्यांदेखत हत्या करण्यात आली. या मुलीच्या वडिलांवर धारदार शस्त्राचे वार करण्यात आले. त्यानंतर हे अज्ञात हल्लेखोर येथून पळून गेले.
प्रेमसंबंधातून काढला मुलीच्या वडिलांचा काटा; नागपुरातील द्विवेदी हत्या प्रकरणाचा असा झाला खुलासा
बारामतीतले हल्लेखोर अल्पवयीन?
बारामतीमध्ये घडलेल्या या घटनेतले हल्लेखोर अल्पवयीन असल्याची माहिती समोर येत आहे. शशिकांत कारंडे या व्यक्तीची हत्या त्याच्या शाळकरी मुलीच्या डोळयांदेखत करण्यात आली आहे. बारामतीतल्या श्रीराम नगर भागात संध्याकाळी ५.३० च्या दरम्यान ही धक्कादायक घटना घडली. शशिकांत कारंडे हे कविवर्या मोरोपंत हायस्कूलमधून आपल्या मुलीला घ्यायला गेले होते. ज्या अल्पवयीन मुलांनी शशिकांत कारंडे यांच्यावर हल्ला केला ते शशिकांत कारंडे यांच्या मुलीची गेल्या काही दिवसांपासून छेड काढत होते अशीही माहिती समोर आली आहे.
दुहेरी हत्याकांडाने जळगाव हादरलं, प्रेमीयुगुलाचा खून, भाऊच ठरला वैरी
हे वाचलं का?
