ज्या मुलीच्या हत्येप्रकरणी पिता-पुत्र गेले तुरुंगात, ती आली परत; मग सापडलेला मृतदेह कुणाचा?
Crime: बेपत्ता झालेल्या मुलीची हत्या केल्याचा आरोप करून वडील आणि मुलाला तुरुंगात पाठविण्यात आलं होतं. मात्र, आता बेपत्ता झालेली मुलगी ही जिवंत असल्याचं समोर आलं आहे.
ADVERTISEMENT
छिंदवाडा (मध्यप्रदेश): मध्य प्रदेशातील (Madhya Pradesh) छिंदवाडा येथून एक धक्कादायक घटना समोर आली आहे. येथील एका व्यक्तीची एक अल्पवयीन मुलगी बेपत्ता (Missing) झाली होती. त्यानंतर पोलिसांनी मुलीच्या हत्येच्या (Murder) आरोपाप्रकरणी बाप आणि मुलालाच अटक केली होती. मात्र, आता या प्रकरणात सर्वात आश्चर्यकारक घटना घडली आहे. ती म्हणजे. ज्या मुलीची हत्या झाल्याचे सांगितले जात होते ती जिवंत असून तिच्या मूळ घरी परतली आहे. एवढंच नव्हे तर ती प्रौढ झाली आहे. (daughter whose father and son went to jail on the charge of murder turned out to be alive then whose dead body was it)
कुटुंबीयांचा राग मनात धरून मुलगी घरातून निघून गेली होती. सध्या ती उज्जैनमध्ये राहते, असे मुलीचे म्हणणे आहे. वडील आणि भावाला पोलिसांनी खोट्या गुन्ह्यात अडकवले आहे. या प्रकरणात, मुलीचे वडील एक वर्ष तुरुंगवास भोगल्यानंतर घरी परतले होते. परंतु तिचा भाऊ वर्षानुवर्षे तुरुंगातच आहे.
घरी परतलेल्या तरुणीने पोलिसांवर गंभीर आरोप केले आहेत. तिचे म्हणणे आहे की, कोणत्या तरी मृतदेहाचा सांगाडा दाखवून तो माझाच आहे, असे सांगून वडील आणि भावाला खुनाच्या आरोपाखाली तुरुंगात पाठवण्यात आलं होतं.
2014 मध्ये अल्पवयीन मुलगी झालेली बेपत्ता
वास्तविक, हे प्रकरण मध्यप्रदेशमधील अमरवाडा पोलीस ठाण्याच्या हद्दीतील सिंगोडी चौकीचे आहे. सिंगोडी चौकी परिसरातील जोपनाळा गावातील मेंढपाळ असलेले शन्नू उईके यांची 15 वर्षीय मुलगी 2014 साली घरातून अचानक बेपत्ता झाली होती.
हे वाचलं का?
