Nagpur : मायलेकराचा भयंकर शेवट! मुलाने संपवलं आयुष्य, आईनेही घेतलं विष
नागपूरमध्ये 20 वर्षीय तरुणाने गळफास घेऊन आत्महत्या केली. त्यांच्या मृत्यूचा धक्का बसलेल्या आईनेही विष प्राशन करून आत्महत्या केली.
ADVERTISEMENT
Nagpur news in marathi : 20 वर्षाच्या पोटच्या पोराने घरात कुणी नसताना गळफास घेऊन आयुष्य संपवलं. त्यांच्या अशा जाण्याने कुटुंबीयांवर मोठा आघातच झाला. मुलाच्या अशा जाण्याने आईच्या मनावर आघात झाला आणि तिनेही काही तासांतच विष प्राशन करून मृत्यूला कवटाळलं. नागपुरातील लकडगंज परिसरात घडलेल्या या घटनेनं मोठी खळबळ उडाली आहे. 20 वर्षीय मुलाने आत्महत्या केल्याचं कारणही समोर आलं आहे.
खितेन नरेश वाधवानी (वय 20) असे मृतक मुलाचे नाव असून, दिव्या नरेश वाधवानी असे त्याच्या आईचे नाव आहे. खितेन हा नागपुरातील नामांकित महाविद्यालयाचा विद्यार्थी होता.
नागपुरातील लकडगंज परिसरात घडलेल्या या घटनेला कारण ठरलं आहे सट्टा. क्रिकेट सट्टाच्या नादात मोठ्या प्रमाणात पैसे हरल्यामुळे नैराश्यात जाऊन खितेनने आत्महत्या केल्याची धक्कादायक घटना समोर आली. मुलाच्या मृत्यूची बातमी ऐकताच त्याच्या आईने देखील काही तासांत विष प्राशन करून मृत्यूला जवळ केले आहे.
हेही वाचा >> Aryan Khan Drugs Case : समीर वानखेडेंना उच्च न्यायालयाने का फटकारलं?
नागपुरातील लकडगंज पोलीस ठाणे अंतर्गत येणाऱ्या छापूनगर परिसरात या घटनेमुळे प्रचंड हळहळ व्यक्त करण्यात येत आहे. खितेन वाधवानी हा नागपुरातील नामांकित महाविद्यालयाचा विद्यार्थी होता, परंतु चुकीची संगत लागल्यामुळे तो क्रिकेट सट्ट्याकडे वळला.
हे वाचलं का?
