बेडशीटच्या सहाय्याने गळफास

मृत विद्यार्थ्याचे नाव सोहिल राजकुमार सांगवान (वय 20 वर्षे) असे असून तो आयआयटी मुंबईच्या मटिरिअल सायन्स (Material Science) शाखेत दुसऱ्या वर्षात शिक्षण घेत होता. सोहिल हा कॅम्पसमधील वसतिगृह क्रमांक 4 मधील खोली क्रमांक G-4147 मध्ये राहत होता. प्राथमिक माहितीनुसार, त्याने आपल्या वसतिगृहातील खोलीत छताच्या पंख्याला बेडशीटच्या साहाय्याने फाशी घेऊन जीवन संपवले.

हे ही वाचा : प्रियकराशी बोलताना गोंधळ घालायचा, आईने निष्पाप मुलाला संपवलं, पतीने महिन्याने केला उलगडा

तात्काळ धाव घेत पंचनामा

या घटनेची माहिती मिळताच पवई पोलिसांनी तात्काळ घटनास्थळी धाव घेऊन पंचनामा केला. या प्रकरणी पवई पोलीस ठाण्यात भारतीय नागरिक सुरक्षा संहिता, 2023 च्या कलम 194 अन्वये नोंद करण्यात आली आहे. मृतदेह शवविच्छेदनासाठी पाठवण्यात आला असून पोलीस पुढील कायदेशीर कारवाई करत आहेत.

हे ही वाचा : 'प्रधान हटवून यांनी पंतप्रधान वाचवला' अखिलेश यांचे भाषणात टॉन्ट, डिंपलही हसल्या

आत्महत्येमागचं नेमकं कारण काय?

सोहिलने हे अत्यंत टोकाचे पाऊल का उचलले, यामागील मूळ कारण अद्याप स्पष्ट झालेले नाही. पोलिसांकडून त्याच्या खोलीची तपासणी केली जात असून वसतिगृहातील मित्र आणि नातेवाईकांची चौकशी सुरू आहे. या आत्महत्येमागे शैक्षणिक ताणतणाव होता की अन्य काही वैयक्तिक कारणे होती, याचा शोध घेण्यासाठी पवई पोलीस अधिक तपास करत आहेत.