धक्कादायक... उपमुख्यमंत्री एकनाथ शिंदे यांच्या गावापासून जवळच सापडला 115 कोटींचा ड्रग्स साठा; क्राईम ब्रांचने 'असा' मारला छापा!
Satara Drugs: उपमुख्यमंत्री एकनाथ शिंदे यांच्या दरे गावाजवळील सावरी या गावातील एका ड्रग्स कारखान्यावर छापा मारण्यात आला. मुंबई क्राईम ब्रँचने केलेल्या या कारवाईत तब्बल 115 कोटींचं ड्रग्स जप्त करण्यात आलं आहे.
ADVERTISEMENT
बातम्या हायलाइट
114 ते 115 कोटी रुपयांचा एमडी ड्रग्स साठा, मशिनरी आणि मुद्देमाल जप्त
सातारा जिल्ह्याच्या इतिहासातील आतापर्यंतची सगळ्यात मोठी ड्रग्स कारवाई
चौकशीतून ड्रग्स रॅकेटची मोठी साखळी उघड होण्याची शक्यता
सातारा: महाराष्ट्रात एक खळबळ उडवणारी घटना घडली आहे. उपमुख्यमंत्री एकनाथ शिंदे यांच्या मूळ गाव दरेपासून अवघ्या काही किलोमीटर अंतरावर, सातारा जिल्ह्यातील जावळी तालुक्यातील सावरी गावात कोट्यवधी रुपयांचा एमडी (मेफेड्रोन) ड्रग्स कारखाना उघडकीस आला. मुंबई क्राईम ब्रँचच्या विशेष पथकाने आज (13 डिसेंबर) गावात धडक कारवाई करून कारखाना उद्ध्वस्त केला. या छाप्यात चार संशयितांना ताब्यात घेण्यात आले असून, प्राथमिक अंदाजानुसार मोठ्या प्रमाणात एमडी ड्रग्सचा साठा जप्त करण्यात आला आहे. या प्रकरणाने राजकीय वर्तुळात खळबळ उडाली आहे. पोलिसांकडून तपास सुरू असल्याने राजकीय पाठिंबा किंवा वरदहस्त असल्याची शक्यताही तपासात समोर येईल का, याकडे सर्वांचे लक्ष लागले आहे.
छाप्याची पार्श्वभूमी
सावळी गाव हे जावळी तालुक्यातील एक शांत ग्रामीण भाग आहे, जो उपमुख्यमंत्री एकनाथ शिंदे यांच्या मूळ गाव दरे (महाबळेश्वर तालुका, पूर्वी जावळी) पासून सुमारे 15-20 किलोमीटर अंतरावर आहे. हे गाव कोयना नदीच्या काठावर वसलेले असून, पर्यटन आणि शेतीवर अवलंबून आहे. मात्र, या शांत गावात गुप्तपणे चालू असलेल्या ड्रग्स कारखान्याचा पर्दाफाश झाल्याने स्थानिक नागरिकांमध्ये आश्चर्य आणि भीती निर्माण झाली आहे.
माहितीनुसार, मुंबई आणि पुण्यातील अलीकडील ड्रग्स प्रकरणांनंतर पोलिसांना सावळी गावात संशयित कारवाई सुरू असल्याची माहिती मिळाली होती. मुंबई क्राईम ब्रँचने या माहितीची पडताळणी करून गुरुवार रात्रीपासून गुप्त तपास सुरू केला. त्यानंतर आता त्यावर छापा टाकला. या शेडमध्ये एमडी ड्रग्स तयार करण्याचे यंत्रसामग्री, रसायने आणि तयार ड्रग्सचा मोठा साठा सापडला. प्राथमिक अंदाजानुसार, जप्त ड्रग्सची किंमत तब्बल 114 ते 115 कोटी रुपये एवढी आहे.
हे ही वाचा>> महाराष्ट्रातून लहान मुलं, मुली पळवल्या जातायत, राज ठाकरेंनी एनसीआरबी अहवालाचा दाखला देत फडणवीसांना सुनावलं..
आज सकाळपासून सुरू असलेल्या या धडक कारवाईत सुमारे 114 ते 115 कोटी रुपयांचा एमडी (मेफेड्रोन) ड्रग्स साठा, उत्पादन यंत्रसामग्री आणि इतर मुद्देमाल जप्त करण्यात आला आहे. ही सातारा जिल्ह्याच्या इतिहासातील आतापर्यंतची सर्वात मोठी ड्रग्स कारवाई असल्याचे समोर येत आहे.
हे वाचलं का?
