मित्रांसोबत मद्यपान

निखिल गोस्वामी असे मृत बिल्डरचे नाव आहे. मिळालेल्या माहितीनुसार, तो बिलासपूरमधील एका बारमध्ये बाउन्सर म्हणून काम करायचा आणि सोबतच एक जिम देखील चालवायचा. गुरुवारी (4 जून) रात्री तो काही कामानिमित्त कोटा येथील आपल्या भाड्याच्या खोलीवर गेला होता. तिथे तो आपल्या काही मित्रांसोबत बसून मद्यपान करत असल्याची माहिती समोर आली आहे. याच दरम्यान, भोला मानिकपुरी नावाचा एक तरुण तिथे पोहोचला आणि खाजगी कारणावरून त्या दोघांमध्ये जोरदार वादावादी सुरू झाली.

हे ही वाचा : उच्चभ्रू सोसायटीत एकट्या राहणाऱ्या महिला प्रोफेसरला कुणी संपवलं?

प्रत्यक्षदर्शींनी काय सांगितले?

प्रत्यक्षदर्शींनी दिलेल्या माहितीनुसार आणि पोलिसांच्या प्राथमिक तपासानुसार, हा वाद अचानक इतका वाढला की आरोपीने आधी निखिलच्या डोळ्यात मिरची पूड फेकली. डोळ्यात मिरची गेल्यामुळे निखिलला काही समजायच्या आतच आरोपीने जवळच पडलेला एक जड दगड उचलला आणि त्याच्यावर जीवघेणा हल्ला केला. डोक्यावर आणि शरीराच्या इतर भागांवर गंभीर दुखापत झाल्यामुळे निखिल रक्ताच्या थारोळ्यात तिथेच कोसळला.

हे ही वाचा : Maharashtra Weather : 'या' विभागात ढगांच्या गडगडाटासह पावसाचा अंदाज, 25 जिल्ह्यांना अलर्ट

विवाहित महिलेसोबत संबंध?

घटनेनंतर कुटुंबीयांनी आणि स्थानिक लोकांनी त्याला तातडीने रुग्णालयात नेले. मात्र, प्राथमिक उपचारानंतर त्याची प्रकृती चिंताजनक असल्याने त्याला सिम्स बिलासपूर येथे रेफर करण्यात आले, जिथे उपचारादरम्यान डॉक्टरांनी त्याला मृत घोषित केले. घटनेची माहिती मिळताच पोलीस पथकासह घटनास्थळी पोहोचले आणि त्यांनी तपास सुरू केला. पोलिसांच्या प्राथमिक तपासानुसार हे संपूर्ण प्रकरण प्रेमप्रकरण आणि चारित्र्याच्या संशयाशी जोडलेले असल्याचे दिसते आहे. एका महिलेसोबत असलेल्या निखिलच्या जवळीकतेमुळे त्या महिलेच्या पतीला बऱ्याच काळापासून संशय होता, अशी माहिती सूत्रांकडून मिळाली आहे. पोलीस सध्या आरोपीची कसून चौकशी करत असून हत्येमागील वास्तविक कारणाचा शोध घेत आहेत.