कॅन्सर पीडित बापाला स्वत: अंत जवळ आल्याची जाणीव, पोटच्या मुलांना विषारी औषध पाजलं अन् स्वत:ही

हेही वाचा : कॅन्सरग्रस्त सासूच्या उपचारासाठी पैसे आण, सांगलीतील प्रेमविवाह केलेल्या मुलीचा छळ; शेवटी विषारी औषध घेतलं अन्...

स्वतःचा अंत जवळ येत असल्याची जाणीव दोन मुलांना विषारी औषध पाजलं 

अधिकची माहिती अशी की, ही घटना सोमवारी संध्याकाळी लांबा गावात घडली. पोलिस अधिकाऱ्यांच्या माहितीनुसार, मेरामन क्षेत्रिया नावाचा हा व्यक्ती गेल्या पाच वर्षांपासून कर्करोगाने त्रस्त होता. स्वतःचा अंत जवळ येत असल्याची जाणीव झाल्याने त्याने आयुष्य संपवण्याचा निर्णय घेतला. मात्र, आपल्या मृत्यूनंतर मुलांचं भविष्य काय होईल, या विचाराने तो सतत चिंतेत होता. त्यामुळे त्याने मुलांना विषारी औषध पाजून संपवलं. त्यानंतर त्याने स्वत: विषारी औषध पिऊन आत्महत्या केली. 

कुटुंबासह संपूर्ण गावावर शोककळा 

कल्याणपूर पोलिस ठाण्याचे निरीक्षक टी.सी. पटेल यांनी सांगितले की, आम्ही घटनास्थळी जाऊन तपास सुरू केला आहे. मृत पित्याने आधी दोन्ही मुलांना विष दिले आणि त्यानंतर स्वतःही विष प्राशन करून आत्महत्या केली. पोलिसांनी गुन्हा नोंदवून पुढील तपास सुरू केला आहे. या घटनेनंतर संपूर्ण कुटुंबावर आणि गावावर देखील शोककळा पसरली आहे. स्थानिक नागरिक आणि शेजारी या अत्यंत दुःखद घटनेने हळहळ व्यक्त करत आहेत. पोलिस आता हे शोधण्याचा प्रयत्न करत आहेत की विष कुठून आणि कसे आणले गेले? तसेच घटनेमागील सर्व परिस्थितींची सखोल चौकशी केली जात आहे.