आरोपी घरातच दबा धरुन बसला अन् महिलेच्या डोळ्यात चटणी टाकून अत्याचार, बीडमधील संतापजनक घटना
Beed Crime : आरोपी घरातच दबा धरुन बसला अन् महिलेच्या डोळ्यात चटणी टाकून अत्याचार, बीडमधील संतापजनक घटना
ADVERTISEMENT
बातम्या हायलाइट
महिलेच्या डोळ्यात चटणी टाकून अत्याचार
बीडमधील संतापजनक घटना
Beed Crime : बीड जिल्ह्यातील केज तालुक्यात एका महिलेशी अमानुषपणे अत्याचार करण्यात आल्याची धक्कादायक घटना समोर आली आहे. तालुक्यातील एका गावात 47 वर्षीय विवाहित महिलेच्या घरात घुसून एका आरोपीने तिच्या डोळ्यात मिरचीची पूड टाकली आणि तिच्यावर विनयभंग करत अत्याचार केला. या घटनेनंतर परिसरात भीतीचं वातावरण निर्माण झालं आहे. शुक्रवारी सायंकाळी साडेपाच ते सहा वाजेच्या दरम्यान ही घटना घडली. दरम्यान, या घटनेनंतर आरोपीने पळ काढलाय. विकास गोरे असं या प्रकरणातील आरोपीचं नाव आहे.
आरोपी घरात दबा धरुन बसला, महिला येता मिरचीची पूड टाकली
अधिकची माहिती अशी की, शेतातील काम आटोपून पीडित महिला घरी परतली. तिने घराचे कुलूप उघडताच, पाळत ठेवून बसलेला आरोपी विकास बबन गोरे घरात घुसला. अचानक डोळ्यांवर मिरचीची पूड टाकून त्याने महिलेला जमिनीवर पाडलं आणि तिचा विनयभंग करत अत्याचार केला. या अनपेक्षित हल्ल्याने महिला घाबरून ओरडू लागली.
हेही वाचा : संतोष देशमुखांच्या खुनाच्या गुन्ह्यातील आरोपी वाल्मिक कराडचे बॅनर झळकवून पैसे मागणारा आहे तरी कोण?
महिलेच्या आरडाओरडीनंतर तिचा पती, भाऊ आणि भाचा घटनास्थळी धावून आले. मात्र आरोपीने तिघांनाही मारहाण केली आणि “एका-एकाला गाठून जीवे मारीन” अशी धमकी दिली. त्यानंतर तो घटनास्थळावरून फरार झाला. घटनेची माहिती मिळताच पोलिसांनी घटनास्थळी धाव घेतली आणि महिलेचा जबाब नोंदवला. दरम्यान, महिला अत्याचाराच्या या घटनेने संपूर्ण परिसरातून संताप व्यक्त करण्यात येत आहे.
हे वाचलं का?
